OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
GOVERNMENT OF MIZORAM
( NCD SOFTWARE HMANGA MIPUI VANTLANG HRISELNA TUR PRIME MINISTER NARENDRA MODI IN A TLANGZARH)
Mipuite natna inkaichhawn theih loh chi Non Communicable Diseases NCD natna ho: Cancer, zunthlum, BP sang, Heart attack, Stroke laka an fihlim theihna tur leh taksaa pawi a khawih hmaa hmuhchhuah zung zung a, enkawlna pek vat a nih theih nana hmalakna pawimawh tak mai Universal NCD Screening tia hriat, Population Based Screening tih bawk tih hlawhtlin nana pawimawh tak NCD Screening software/app chu vawiin Dt.14.4.2018 hian India ram pum huapin Shri Narendra Modi,Prime Minister chuan a tlangzarh.
He Software tlangzarhna hmun hi Jangla,Chhatisgarh-ah neih a ni a, hemi rual hian India rama PHC hrang hrangah Video Conferencing hmangin he hun hi lo hman ve a ni. Mizoramah chuan district 4 Aizawl, Lunglei, Kolasib leh Champhai district -ah National Health Mission hnuaia NCD Programme (National Programme for Prevention and Control of Cancer, Diabetes, Cardiovascular Diseases & Stroke (NPCDCS) te bul tumin hman ve a ni.
Aizawl district-ah hian Aibawk PHC-ah Dr Lalrozama, IAS, Mission Director, NHM leh Dr Eric Zomawia, State Nodal Officer (NCD) ten an hmanpui a. Tablet hmangin Health Worker te n mipui kum 30 chin chunglam zawng zawng hriselna dinhmun chu an record a, chu chu PHC a Medical Officer ten an computer ah awlsam takin an lo en ang a, hmalak zel dan tur an kawh hmuh ang a, damdawi an ei hun, doctor rawn leh hun, leh thurawn hrang hrangte awlsam takin an pe thei tawh dawn a ni.
He Universal NCD Screening ah hian kum 30 chin chunglam tawh phawt chu NCD natna 5 chhul cancer, hnute cancer, kachhung cancer, BP sang leh zunthlum an neih neih loh enfiah vek an ni dawn a. Hei hian a tum ber chu NCD natna hluar ta lutuk miin an vei loh nan te, an vei a nih pawhin taksa a khawih chhiat hmaa hmuhchhuah vat leh enkawlna pek vat a ni. He screening hi tun dinhmunah Mizoramah chuan district 4 a Sub centre 10 theuh, a vaiin Subcentre 40 ah tih tan phawt niin kumin chhung hian district dang zawng pawh huap tel tur a ni. Mizoram cancer, zunthlum, BP sang, heart attack leh stroke tamna ah hian mipuite n kan chhawr tangkai hle tura beisei a ni.
