OFFICE OF THE DIRECTOR

DIRECTORATE OF HEALTH SERVICES

MINECO : AIZAWL

MASS EDUCATION & MEDIA SECTION

PRESS HANDOUT

Dated Aizawl the 24th September 2024

No. PH. 12/10-MEM/2024

Vawin khan North Eastern Developement Financial Corporation Ltd  in TB damlo chhawmdawl na hnuaiah damlo 100 chaw tha hmanga a tanpuina tur tlangzarhna Health Minister hovin neih a ni.

Vawiin ni khan Health Minister Pi Rinpuii Office ah TB damlo 100 support na tur tlangzarhna programme hun hman a ni. TB damlo te hnenah chaw tha basket hlanna neih nghal a ni bawk. NEDFi hian thla 6 chhung TB damlo 100 an support dawn a ni.  

He hun hi Dr. Vanzarliana Medical Officer State TB Cell chuan a kaihruai a. Hetah hian State TB Officer Dr. Febiola Kharkongor chuan Kum 2025 chu India ramah TB umbo kum puan niin, TB damlo te chhawmdawlna chu TB umbo nan a hmalakna pawimawh tak anih thu a sawi. NEDFi in TB damlo 100 an chhawmdawlna tur chu damlo tan malsawmna nasa tak anih thu a sawi a. Tun dinhmunah TB damlo enkawlna la mek 1620 awmin, chhawmdawlna petu ( Donor) 74 chauh an la awm bakah TB damlo chhawmdawl ngai tam tak an la awm thu a sawi.

Pu Lalhruaizela Branch Manager NEDFi chuan TB vanga harsatna tawk mek te chaw tha hmanga an chhawmdawlna hi an lo chhawr tangkai a duh hle a, Aizawl district chhungah damlo 50, Lunglei leh Champhai district chhungah damlo 25 ve ve an support dawn bak ah, he support na tura senso hi Rs. 420000 niin transportation cost zawng zawng nen NEDFi chuan a tum vek dawn tih a sawi bawk.

Pi Rinpuii Health Minister chuan NEDFi in TB damlo 100 support tura ke an rawn pen chu a lawmthu a sawi a. Chaw tha hmuhtawk lohna chu TB natna nen inkaihhnawihna tam tak a neih thu sawiin, TB damlo mek te chaw tha an dawn te chu tha taka ei a, damdawi thlah miah lova eiturin a fuih bawk. Tin an chhung leh khat te pawh TB venna ei ngai an nih chuan tha taka eitir turin a chah a, TB chu mizo te zingah pawh hun rei tawh tak atanga kan hmelhriat a nih thu sawiin, kan nunphungah te, puipunkhawm na ah te inpawh tlang tak kan nih avangin TB inkaidarh theihna pawh a sang hle tih thu a sawi. TB chu state dang te ngaihtuahin Mizoram chuan case kan neih tlem zia sawiin, TB hi Mizoram atanga umbo ngei theih a ni a ti bawk.  NEDFi thil tih avang hian mipui te TB damlo support turin ke lo pen theuh tur in a beisei a ni.

TB damlo te hi supporter(Donor) an awm chuan thla tin Rs. 700 man hu chaw tha leisakin thla 6 chhung a reilo berah support thin an ni.

Tarlan danin nikum chhungin TB vei 2013 an awm a, heng zinga 12% zet chu HIV vei kawp an ni. Mi 127 chu MDR-TB niin TB damlo zingah mi 155 chu kum 14 hnuai lam an ni. TB vei te hi Kum 30 atanga kum 45 inkarah mipa an tam a, hmeichhiaah kum 15 atang kum 30 inkar an tam thung a ni.