OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 30th April, 2019
NHM MIZORAM HNUAIAH REVIEW REVIEW WORKSHOP
PAWIMAWH TAK NEIH A NI
Vawiin April ni 30, 2019 (Thawhlehni) chawhma dar 10:00 khan Assembly House Annexe, Conference Hall-ah ni hnih awh tur, NHM Mizoram hnuaia Programme hrang hrangte hma lak tawhna leh hmabak thlirhona pawimah tak neih a ni a. He Review Meeting hi Pu Lalengmawia IAS, Secretary H&FW Department, Govt of Mizoram chuan khuallian niin a hmanpui.
Review Meeting Chairman Dr.F.Lallianhlira Principal Director H&FW Department in kal kawmte lawmna thu sawiin, thawktu inhriatpawh a tulna te, Supportive supervision regular taka neih pawimawhna leh financial management leh report pek pawimawhna te a sawi a. NHM Mission Director - Dr.Eric Zomawian 'Overview of NHM' tih thupui hmangin Powerpoint Presentation bengvar thlak tak a pe a. Mission Director hian kalkhawm te hmaah NRHM hun atanga NHM hnuaia health programme lo than chhoh zel dan leh National Level Strategy pawimawh tak tak te a tarlang a. Dr. Eric-a chuan Health indicator pawimawh tak IMR leh Maternal Death tihniam tura thawktute tan lak mar reng a tul thu kal khawmte hmaah a sawi a. Damlo ten inenkawlna senso a hniam thei ang ber an hmuh theihna tura hmalak pawimawhna te, Reproductive Child Health Programme hnuaia nau neihna hmunhma tha zawk leh quality tha zawk neih pawimawhnate tarlangin Health Department chhunga Programme hrang hrangte bakah line department-te tha lehzuala inthlunzawm a pawimawhna leh scheme hrang hrang pawimawhna te thiam takin a tarlang a ni.
Hemi hnu hian Khuallian Pu Lalengmawia IAS chuan kalkhawm te hma ah thu sawiin NHM peng programme te hi a tam avangin programme officer tan thawhrim a tul thu a sawi a, A hun taka achievement report/return pek pawimawhna sawiin, National level-ah Data leh Statistics dik leh pawmtlak tarlang thin turin kalkhawmte a chah bawk. Pu Engmawia chuan Department Head theuhte leh a bik takin Mission Director leh Programme Officer-te state pawn lamah Mizoram tan huaisen taka Department aiawh thin turin a chah a. Leadership tha neih pawimawhna te ngun taka sawiin Officer leh an hnuaia mite office-a thu tam lo va bial chhung mite tlawh chhuaka vil taima hle turin a chah bawk. Doctor-ten tawngkam mawi leh hawihhawmna nena damlo an dawnsawn a pawimawhna bakah mi rethei leh mi harsa zawkte tana malsawmna ni theuh turin a chah bawk a. Tin, Health Deptt. hnuaia post ruak leh service tih changtlun chungchanga sawrkar hmalakna kal lai mekte kimchang takin a tarlang a ni.
He workshop ah hian Director Hospital & Medical Education, Joint Director (Family welfare), NHM hnuaia Programme Officers, CMO, Medical Superintendent, Senior Medical Officer leh an staff-te bakah State Level leh District Level NHM hnuaia staff thahnem tak an kal khawm a. Programme Officer hrang hrang ten an activities leh hmalakna turte Presentation hmangin an tarlang a. He review workshop hi naktuk May ni 1 hian chhunzawm leh a ni ang.
