GOVERNMENT OF MIZORAM
HEALTH & FAMILY WELFARE DEPARTMENT
"NURSE LEH HEALTH WORKER TE TAN HMASAWNNA KAWNG THAR"
NURSE LEH HEALTH WORKER TE TAN INSERVICE TRAINING BUATSAIH A NI.
Vawiin May ni 15.2017 chawhma dar 10 khan Aizawl Civil Hospital Conference Hall-ah Mizoram Nursing Council buatsaihin "Inservice Training for Nurses and ANM/Health Worker" tan a ni a. He hun hi Dr. F.Lallianhlira, Principal Director, Health & Family Welfare in Khuallian niin a hmanpui.Mrs. Lalbiaksangi, President, Mizoram Nursing Council-in Training buatsaih a nih chhan leh kalkhawmte lawmna thusawiin hun a hmang a. Hemihnu hian Ms.Zochuanpuii hnen atangin Indian Nursing Council-in Registration system thar a buatsaih Nurses Registration and Tracking System (NRTS) chungchang a sawi fiah a. Hemi hnu hian Khuallian Dr.F.Lallianhlira, Principal Director chuan thusawina hun a hmang ve leh a ni.
Khuallian Dr.F.Lallianhlira chuan Nurse leh Healthworker kalkhawmte chu mipui hriselna kawnga thawktu pawimawh tak an nihna hre chiang tur te, mahni hnaa lungawina nei chunga mawhphurhna hlen chhuak turin a fuih a. Mahni thlen china duhtawk mai lova hmasawnna kawng dapa in update zel turin a chah bawk.
Indian Nursing Council chuan Nurse, Health Worker, Health Supervisor, Community Health Officer leh midwife zawng zawngte chu an registration renew na turin kum 5 chhunga intuaitharna (inservice training) darkar 150 tal nei turin a rawn tih bakah tunah hian Nurses Registration & Tracking System (NRTS) a duang thar a. He Tracking System atang hian awlsam leh felfai zawkin registration pawh tih theih a ni tawh dawn a. India ram chhung khawi hmuna hnathawk duh tan pawh hei hian thil a ti awlsam chho hle tawh dawn a ni. He thil atana mamawh, electronic hmanraw pawimawh te pawh tunah hian Mizoram Nursing Council kutah a awm tawh a. Tun atanga hun rei lo te ah kalpui tan a ni tawh dawn a ni.
Vawiin training-ah hian Private Hospital hrang hrang atangia Nurse te leh Aizawl District huam chhunga Health Worker te an vaiin mi 260 lai an kal khawm a. Mithiam te hnen atangin zirtirna engemaw zat ngaihthlak a ni a. Naktuk ni 18 thleng training hian a awh dawn a ni.
