OFFICE OF THE DIRECTOR

HEALTH SERVICES : MINECO AIZAWL

 

MASS EDUCATION MEDIA SECTION

Dated Aizawl

The 13th  August 2024

 

PRESS HANDOUT

No. 17/07/2024

 

PRESS NOTE FOR NVBDCP STATE REVIEW MEETING

 

Vawiin 13th August 2024 hian H&FW Department hnuaia National Vector Borne Disease Control Programme (NVBDCP) chuan DHME Auditorium, MINECO-ah State Review Meeting an nei. 

He hun hi Dr Chawngthanchhunga, Addl Director (Malaria) State Programme Officer (NVBDCP) in kaihruaiin,  Dr Vanlalsawma, Principal Director, H&FW, leh Dr N.I Singh, Addl Sr Regional Director, RoHFW, Imphal ten an hman pui a ni.

He State Review Meeting-ah hian Kumin 2024 Jan – July chhunga heng natna : Malaria, Dengue leh Chikungunya a Mizoram dinhmun te thlir let a ni a. Kumin Jan – July chhung hian Mizoram pumah Malaria vei tawh zat hi mi 12290 awmin chung zinga 6349 te chu PF an niin,  Malaria natna avangin mi 5 in nunna chan tawh a. Heng nunna chante hi Lawngtlai District mi leh sa vek an ni. 

Kumin chhung hian kumdang zawng aiin Malaria PV a pung ni a report a ni a, kumin hian Dengue vei hmuh chhuah tawh zat hi mi 267 niin, Chikungunya vei hmuhchhuah tawh zat hi mi 3 niin report a ni bawk.

Mizoramah hian District 4 heng, Lawngtlai, Lunglei, Mamit leh Siaha District-te hi Malaria tam zual biknate an ni a, a bikin International Border – Bangladesh leh Myanmar ramri hrulahte Malaria hi a tam zual ni a report a ni.

 He hun hmanpuitu, Dr Vanlalsawma Principal Director, H&FW chuan natna laka invenna kawnga sawrkar hmalakna hrang hrangte tha taka kalpui mek a nih thu a sawi a, hmun thenkhata thawktu indaih lohnate pawh siam rem zel a nih thu sawiin, Malaria tamna hmuna thawktu te pawh theih tawp chhuaha thawk sauh sauh turin a fuih a, Review Meeting hlawhtling tak nei tura a duhsak thu a sawi. 

NVBDCP hnuaiah hian Malaria natna laka invenna heng: thosilen damdawia chiah sa sem te, thosilen pangngai damdawia chiah sakte leh chenna in chhung thosi hlo a kahte kalpui mek a ni.

He meetingah hian District hrang hrang atangin District Malaria Officer leh District VBD Consultant te kalkhawmin anmahni District theuh dinhmun leh hmalak tawh dante presentation an pe a, he meeting hian naktuk August ni 14 thleng a awh ang.