OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
MASS EDUCATION AND MEDIA SECTION


DATED AIZAWL THE 13th Feb., 2018


ONE DAY TRAINING OF SURVEILLANCE OFFICERS ON IDSP AND SCRUB TYPHUS NEIH A NI

February ni 13 (Thawhlehni) 2018 hian Health Directorate Office Conference Hall-ah tun hnaia Scrub Typhus leng enfiah tura New Delhi atanga expert team lo kal te nen One Day Training of Surveillance Officers on IDSP and Scrub Typhus neih a ni.

He One Day Training hi Dr.Pachuau Lalmalsawma, State Nodal Officer, IDSP in a kaihruai a. Dr. Vanlalsawma, Joint Director (FW), DHS chuan kalkhawmte lawmna thu sawiin trainees te chu an trainingte hlawkpui ngei turin duhsakna a hlan a.

Hemi hnu hian Dr.AK Bhansal, Addl. Director and HOD, IDSP, NCDC, Delhi chuan keynote address a pe in training pawimawhzia a sawi a. Mizorama an cham chhunga PHC leh Sub Centre an tlawhte chungah an lawm thu sawiin thawktute inpekna leh thawhrimna a fak hle bawk. IDSP hnuaia Distrcit Hosptal Laboratory tih changtluna thuam chak chungchangahte hmanraw tul ang pek te leh thawktu rawih danah te pawh a hmunhma ngeia rawn hmutu anih angin Central lamah theihtawpa hmalakpui a tum thu a sawi a ni.

Animal Husbandry & Veterinary Deptt. aiawhin Dr. Hmarvunga, Joint Director Livestock Health pawhin thu sawiin Mizoramah ramsate atanga kan kai, theih (zoonotic disease) kan nei ta nual a. Heng natnaah te hian Health Deptt. nena thawhho pawimawh zia leh NCDC Delhi te nen pawha thawhho tul zia a sawi bawk a ni.

He Training hi session hniha then a ni a, chawhnu lam technical session-ah hian Central Expert team atangin Dr.AK Bhansal, Dr Suhas Dhandore, Dr. Ashok Talyan, Lalthazuali Kawilam te bakah IDSP Mizoram atangin Dr Pachuau Lalmalsawma, SNO leh Lalfakzuala Pautu, Entomologist IDSP ten zirtirna an pe a ni.

He Training-ah hian Mizorama IDSP Staff zawng zawng, rannung seh natna lenna hmuna Medical Officers, Private Hospital aiawh te leh Dist. Surveillance Officer te bakah Microbiologist te an tel a ni,