Health Deptt. chuan tunhnai a pa eisuala nunna chan an awm chu chinchang hriatchian tawk loh vang anih thu leh mipute hemi kawnga zirtur kan ngai a. Pa chanchin hriat chian a chemical hlauhawm awm thei hrang hrang te hetiang tarlan a ni. Pa a chemical awm chu Pa chi khat chauh a awm a ni lo a, pa chi hrang hrangah chemical chi khat emaw chi hnih emaw an awm tlangpui a, Pa a zirin an chemical neihte hi a danglam thin a, chuvang chuan heng zawng zawng hi Pa eisuala ngaih tur a ni vek lo a, Pa a zirin a then a langin a lang lo thei bawk. Pa te hi an lan dan atangin ngawtin eisual chi leh chi loh hriat hran a ni lo. Chuvang chuan hengah te hian mipui kan fimkhur hle a tul a ni.
Pa a chemical awm te leh an hnathawhte -

Alpha-aminitine: Pa ei atanga ni 3 chhungin thin (liver) a ti chhe vek thei, thihna a thlen thei.

Phallotoxin : Thihna thlen loh mahse pum a tin a

Orellanin : Pa ei atanga ni 3 chhungin kal (kidney) a ti chhiain thihna a thlen thei.

Muscarine : Thawkna kawng a tibuai, thawchham thlenin thihna a thlen thei

Gyromitrin : Pum a tina a, hriatna a tibuai, mi a ti a vek thei.

Coprine : Zu nena ei pawlhin taksa a ti chau thei.

Ibotenic Acid : Nerve tibuaiin thihna a thlen thei.

Muscimol : Ngaithuahna a tibuaiin mumang ram ang main mi a awm tir a, thihna thlentu pakhat a ni thei

Psilocybin & Psilocin : Ngaihtuahna a ti a vek thei

Arabitol :Pumna leh luak a thlen thei

Bolesatin : Pum na, luak leh luhai a thlen thei.