Paid Covid Care Centre Inkaihhruaina

No.3816/2021-2022 

Aizawl, the 26^thJanuary 2022 : Nimin khan Aizawl DC chuan Aizawl khawpui a Paid Covid Care Centre a inkhaihhruaina tur a siam a. A hnuaia inkaihhruaina tarlante hi Paid Covid Care Centre a awm turte chuan an zawm ngei tur a ni. 

1.   Paid Covid Care Centre a awm turte chuan mahni bialtu Chief Medical Officer (CMO) emaw Entry Point-a duty Medical Officer-te hnen atangin Covid-19 symptoms nei lo (Asymptomatic) an ni tih hriatpuina an nei tur a ni. 

2.   CMO/ Entry Point-a Medical Officer duty-te hriatpuina thil telin Deputy Commissioner hnenah mobile no – 9436453580 emaw 8794928323 ah Paid CCC a awm dilna an thehlut ang a, Deputy Commissioner atanga phalna neih hnuah chauh Paid CCC ah an lut thei ang. 

3.   Paid Covid Care Centre a awm te chuan an awm chhunga eiin man leh thlen man te anmahni sum sengin an tum tur a ni. 

4.   Paid Covid Care Centre –a awm man hi Guest House/ Lodge/ Hotel-ten an thlen man an bituk ang chawi tur a ni ang. Eiin man erawh chu mahni ei dan mil a pek tur a ni ang. 

5.   Naupang nilo, Covid-19 positive, symptom nei lo amaherawhchu natna dang enkawl ngai (Comorbidity) neite chu Paid Covid Care Centre-ah dahluh (admit) theih an ni lo ang. 

6.   Paid Covid Care Centre a awm tur ten mahni mimal mamawh bakah hengte hi an in tum tur a ni – BP apparatus, Thermometer leh Pulse Oximeter. 

7.   Paid Covid Care Centre-a thlen man, eiin man online payment hmanga pek tur a ni. Amaherawhchu pawn lam atanga pek sak thei an awm chuan sum faia pek theih a ni bawk ang. 

8.   Paid Covid Care Centre-a awm turte hian a theih chin chinah an awmna veng LLTF/VLTF te hnenah an in hriattir tur a ni.