GOVERNMENT OF MIZORAM
HEALTH & FAMILY WELFARE DEPARTMENT

PUBLIC NOTICE (Phai Sangha chungchang)

H&FW Department tihchhuah HRISELNA Monthly Magazine, November 2016 chhuaka Phai Sangha chungchang lo langin mipuite a tithlabar hle tih hriat a ni a, a pawi hle a ni.

Formalin (Formaldehyde) hi sangha khawina lam (Pisciculture)-ah natna hrik laka sangha venhim nan hman thin a ni a, amaherawhchu sangha thawnchhuah/ hralhchhuah vawnthatna (Preservative) atan chuan hman phal a ni lo. Hetihlai hian India ram hmun hrang hrangah sangha hralh chhuah lama sumdawng ten a vawnthat nan Formalin hi an hmang fo tih sawi a awm reng a, sawiselna pawh hriat tur a awm reng nghe nghe a ni.

Mizorama lo lut phai sanghate hi Formalin hmanga sawngbawl vek an ni em tih a hriat lohva, a nunga khawi an nih laia kai pawh an ni thei bawk ang. Food Safety Cell, H&FW chuan kan ei leh in reng renga thil thalo leh hlauhawm awm palh theite bawhzuiin a vil reng a. Vawiin thlenga hriattheih chinah sangha a ni emaw, thlai lam thil a ni emaw mihring tana hlauhawm khawp Formalin pai hmuh a la ni lo. Thil hlauhawm leh fimkhurna tur chi chu mipuite him nan puanzar a ni thin a, chuvangin Hriselna Magazine November 2016-a thuziak lo lang avang hian tumah chiai lo turin kan inhriattir a ni e.