Ni 25th June, 2026  khan National Health Mission, Health & Family Welfare Department buatsaih State Felicitation Of Kayakalp Awardees Mizoram (2025-2026) chu Health & Family Welfare department changtu Minister Pi Lalrinpuii chuan BSI Hall, Bible House, Khatla ah a hmanpui.

Minister chuan hospital leh health facility a thawktute inpekna leh thawhrimna avanga programme an hmang thei chu lawmawm a tih thu a sawi a. India ram pumah faina ngaih pawimawh niin, Swatch Bharat campaign te pawh neih a ni thin a. Kayakalp pawh hi he Swatch Bharat initiative hnuaia mi niin, Kayakalp Scheme in a tum ber chu Cleanliness – Faina hi a nih thu a sawi bawk. Mizoram chhunga damdawi in hrang hrangte, Sub-Centre atanga PHC, District Hospital thlengin an faiin an thianghlim hle a. Thawktute inpekna, thawhhona tha avanga lo hlawhtling thei a ni a, a ropui hle a ni, a ti.

Minister chuan Kayakalp kalpui a nihna chhan pakhat chu – mipuite hian Indian Constitution hnuaiah Right to Health kan neih vang a ni, a ti. Constitution chuan Right to Live hi mi zawng zawng fundamental right atan min pe a, Right to Live hnuaia pawimawh ber te zinga mi chu Right to Health a ni a ti. Mipuite hian hospital fai leh thianghlima inentir hi an dikna chanvo a ni a, chumi tur chuan thawktute hmalakna leh tanrualna a pawimawh tih thu a sawi bawk.

Minister chuan faina kan kalpuinaah hian pawnlam faina chauh ngai pawihmawh lo in, Kayakalp-ah chuan natna darh tur venna lam- infection prevention-te, damlote himna mai bakah quality healthcare-te kan ngaihpawimawh ber a tul hle a ni, a ti. Minister chuan Kayakalp leh NQAS laimu ber chu hawihhawmna a nih thu sawiin, “Ka chah duh ber chu damlo ten damdawi in an rawn panin hawihhawm  leh rang taka lo buaipui zung zung tur leh enkawlna dik an mamawh ngei an dawn theihna tura hmalak hi a ni”, a ti. 

State Level Kayakalp Award dawngtute:

Health & Wellness Centre Award (HWC)

Aizawl East

Tlungvel HWC-SC

Seling HWC-SC

Aizawl West

1.Tlangnuam HWC-SC

2.Republic HWC-SC

Kolasib

Tumpui HWC-SC

North Chaltlang HWC-SC

Lawngtlai

Mampui HWC-SC

Lunglei

Rahsi Veng HWC-SC

Mualthuam North HWC-SC

Serchhip

Hmuntha HWC-SC

Zote South HWC-SC

Primary Heath Centre (PHC) Award:

Aizawl East

Suangpuilawn PHC

Khawruhlian PHC

Phulen PHC

Aizawl West

Sialsuk PHC 

Champhai

Farkawn PHC

Hnahlan PHC

Khawbung PHC

Kolasib

Bairabi PHC

Kawnpui PHC

Lawngtlai 

Bualpui NG PHC 

Lunglei

Thingsai PHC

Haulawng PHC

Buarpui PHC

Mamit

Rawpuichhip PHC

Reiek PHC

Kanghmun PHC

Serchhip

East Lungdai PHC

Ngentiang PHC

Chhingchhip PHC

Saiha

Chakhei PHC

Phura PHC

Urban Primary Health Centre Award:

Sihphir , Aizawl East

Zemabawk, Aizawl East , Sazaikawn, Lunglei

Hrangchalkawn, Lunglei

Community Health Centre (CHC) / Sub-DISTRICT HOSPITAL (SDH) Award:

Biate CHC

Vairengte CHC

Sakawrdai CHC

District Hospital Award :

Aizawl East District Hospital (CHA)

Aizawl West (ZMC&H)

Civil Hospital Lunglei

Eco-Friendly District Hospital (DH) Award :

Champhai DH

Saiha DH

Eco-Friendly Community Health Centre (CHC) / Sub-DISTRICT HOSPITAL (SDH) Award:

Lengpui CHC

Biate CHC

Thenzawl CHC 

Kayakalp Award Scheme hi Ministry of Health and Family Welfare (MoHFW) bul tanna, Swachh Bharat Mission hnuaia hmalakna peng pakhat a ni a. Sorkar damdawi in leh clinic-ah faina, hriselna, bawlhhlawh sawngbawlna leh natna inkaichhawn laka himna kawnga hma la tha ber bertute chawimawina leh ṭan lak tharna tur atana buatsaih a ni.

Kayakalp thil tum leh tehfungte:

* Infrasturcture thianghlimna leh enkawl zui tlatna

* Hri laka invenna leh control-na hmanruate

* Damdawi in bawlhhlawh dik taka thiarfihlim

* Thawktute thiamna leh hna tlinna

* Damlo leh an chhungte lungawina 

* Khawtlang inkungkaihna leh hmunhma tihfai nana hmalaknate 

Health & Family Welfare Department in  a programme a buatsaihah hian NHM  Mission Director, Dr. R. Lalchhuanawma’n a kaihruai a, Dr Vanlalrengpuia, State Nodal Officer (QA) in report tawi a pe bawkin: Dr. Lily Chhakchhuak, Director DHS , Dr. Zonunmawii Pachuau, Director DHME, Dr. R. Lalchhuanawma, Mission Director NHM, State Level Officer-te, Sr leh Deputy CMO- te, Sr leh Deputy Medical Superintendent-te kimchang takin an tel.