*Principal Director in Training Module for Medical Staff on Disaster Management Tlangzarh*

    Ni 10. 7. 2025 (Ningani) hian Directorate of Hospital & Medical Education leh Disaster Management & Rehabilitation tangkawpin chhiatna thleng thei laka medical staff te inzirtirna tura an buatsaih ‘Training Module for Medical Staff on Disaster Management’ chu  Dr. Lalthlengliani, Principal Director, Health & Family Welfare in a tlangzarh.

    Training Module atan hian Health & Family Welfare, Disaster Management & Rehabilitation and Geo Hazards Society atangin mithiam tak tak ten chhiatna thleng thei laka inveng dan tur thu tha tak tak an ziak a ni.

    Tlangzarh inkhawm hi Principal Director H&FW Chamber ah neih niin, lehkhabu hawnna inkhawmah hian sawm bik mi pawimawh tam vak lo an tel a. Dr. Robert L. Khawlhring Nodal Officer Disaster Management (Health) in Training Module siam tura hmalak dan te, hman tangkai dan tur leh hmalak zel tum dan te a sawi a. Thuziaktu thenkhat hneh atangin thusawi ngaihthlak a ni a. Dr. Ngurchamliana, Director, Hospital & Medical Education in lawmthu sawina hun a hmangin tlangzarh inkhawm hi khar a ni.