OFFICE OF THE DIRECTOR,

HEALTH SERVICES : MINECO AIZAWL

MASS EDUCATION & MEDIA SECTION

PRESS HANDOUT

DATED AIZAWL : THE 7^TH FEBRUARY 2025

PRESS HANDOUT NO: 4/2/2025

Promoting Heathy Lifestyle: A journey towards Wellbeing

Mizoram Health Systems Strengthening Project (MHSSP), Health & Family Welfare Department chuan vawiin, January ni 7, 2025 hian Assembly Annexe Conference Hall ah Special Workshop on Promoting Heathy Lifestyle: A journey towards Wellbeing an hmang.

  He hunah hian Mizorama mi lar leh entawntlak thlan bik, thiamna hrang hrang neite kalkhawmin, an ni hi Healthy Lifestyle Ambassador atana ruat nghal an ni. Kalkhawmte lawmna thu sawiin Dr. Vanlalsawma, Principal Director, Health & Family Welfare Department chuan tunlai a Mizorama thihna leh natna, thisensang, zunhlum, cancer, stroke leh lungphuchawl in zofate min run nasat thu sawiin, social media chak tawh zia leh influencer-te hlutna sawiin, department in program hrang hrang hmanga hnathawhna ah kan milarte pawimawhna leh thawhho a tulzia sawiin, an mahni theihna zawn theuhah thawhpui atan a sawm a ni.

    Dr. Eric Zomawia, Project Director, MHSSP leh Mission Director, NHM ni bawk chuan Presentation pe in, nundan hrisela kan nun loh avanga natna leh a hunloa thihna awmchhante chiang taka sawiin, kan in ven theih dan leh in enkawl dan leh mimal theuh tihtur leh tihtheihte  thiam takin a sawi a ni. Kalkhawmte hnenah kan nunna chunga thuneitu chu Pathian a ni a, chutihrualin nundan phung dika kan nun chuan thui tak kan pawtsei ve thei a ni a ti a. “Postpone your funeral” tiin kalkhawmte thu a chah a ni.

   Ruth Lalawmpuii, Consultant, MHSSP-in Community Intervention – Damna Kawl Eng hnathawh dan sawiin, district paruk (6)-a khaw 510-ah hmalakna kalpui mek a nihdan report pe in, Damna kawl eng hnuaia SBCC hnathawh pakhat te zinga Mass Media hnuaiah WALKATHON – 2025 buatsaih a nih tur thu tarlangin, District panga (5) leh heng khaw 510-ahte February ni 15 atanga march ni 10 inkarah he hun hi an hman dawn thu sawiin, Aizawl ah a kharna leh a hunpui ber March ni 21 a hman tura ruahmanna neih mek a nih thu a tarlang a ni.

   Dr. Zorinsangi, Asst Director ( Procurement) DHS, Health & Family Welfare Department chuan Healthy Ambassador-te thutiam lakna neihpuiin, fuihna thuchah a nei a. Walkathon lo awm tura theih tawpa Healthy Ambassador-ten hma lakpui tur leh ruahman lawkna te sawiho leh en hona a neihpui bawk.

 Dr. Lalnuntluangi, Deputy Director, MHSSP chuan kalkhawmte hnenah lawmthu a sawi hnuah lo kalkhawmte tan Free health screening neih nghal a ni.