OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 31st October, 2018
REVIEW MEETING CUM INDUCTION/REFRESHER TRAINING FOR NATIONAL MENTAL HEALTH PROGRAMME MISSION NEIH A NI
NHM hnuaia Programme pawimawh tak pakhat rilru lam hriselna kawnga thawktu National Mental Health Programme buatsaih, ni thum awh tur Review Meeting cum Induction & Refresher Training chu vawiin October ni 31, 2018 khan Administrative Training Institute-ah tan a ni.
Vawiina Review Meeting cum Induction & Refresher Training hi Dr.C.Lalhrekima, HOD, Psychiatry Deptt. in a kaihruai a. Chairman hian kalkhawmte lawmna thu a sawi zawhah Dr. Robert L Khawlhring, State Nodal Officer, NMHP hnen atangin NMHP kalphung leh hmalakna te chipchiar taka ngaihthlak a ni. Tin, Biakhluzuali Chenkual, Clinical Psychologist hnen atangin Mental Health Care chungchanga zirtirna ngaihthlak a ni bawk.
Hemi hnu hian Mental Health Programme hmalakna ti tha district pathumte hnenah Khuallian Dr. KK Chhetri, Joint Director chuan lawmman a hlan a. District ti tha ber chu Lunglei District Mental Health Programme an ni a. Pahnihna hi Saiha DMHP niin Serchhip DMHP te pathumna an ni.
He huna thusawitu khuallian Dr. KK Chhetri chuan, "Rilru hrisel, him leh dam neih hi a pawimawh em avangin Mental Health hnuaia thawktute hian rilru hrisel an neih hmasak a tul hlei hlei a. Tin, team work a nihna hrechiang a lungrual tak leh tui taka kan thawh ho a tul a ni" a ti a. "Tunlai hunah changkanna vangin mi tam tak ten kan moral value kan hloh ta a, chuvangin rilru lam natna hrang hrang a hluar ta. Chuvangin chhungtinah nasa leh zuala awareness kan neih a, tan kan lak thar a ngai a ni" a ti bawk.
Biakhluzuali Chenkual, Clinical Psychologist report hrang hrangin a tarlan danin India ramah hian mihring maktaduai 150 te hian rilru lam natna an vei a. Heng zinga maktaduai 70 te hi a rang lama enkawl nghal ngai kan tih te an ni. Heng zinga maktaduai 70-90 te hi enkawltu leh ngaihsaktu nei lo an ni bawk. India ramah hian rilru lam doctor kan tih Psychiatrist doctor hi 4000 bawr vel chauh kan awm avangin he natna hian tlakhniam lam a pan mawh em em bawk a ni.
Dr. Robert L Khawlhring report-in a tarlan dan chuan India ramah hian kum 1982 atang khan Mental Health Programme hi kalpui tan a ni a. Mizoramah erawh kum 1999 ah bultan niin chiangkuang taka kal chhohpui a nihna erawh kum 2014 atang chauh khan a ni. Tunah hian district zawng zawng cover kim a ni ta a. Central lam duhdana 75% tal cover tura tih chu kan khum tak avangin incentive pawh national Health Mission, Mizoram-in a lo dawng tawh nghe nghe a ni.
He review meeting hian nithum chhung a awh dawn mai bakah staff lak thar mi panga te tan Civil Hospital Psychiatry OPD leh Kulikawn Psychiatry IPD-ah Hands on Training, ni 15 chhung an nei bawk dawn a ni.
