OFFICE OF THE DIRECTOR
HEALTH SERVICES : MINECO AIZAWL
MASS EDUCATION MEDIA SECTION
Dated Aizawl
The 19th June 2024
PRESS HANDOUT
No. 24/06/2024
TRAINING OF MEDICAL OGFFICERS ON SNAKE BITE ENVENOMING PREVENTION AND CONTROL (SBEPC), NATIONAL RABIES CONTROL PROGRAMME (NRCP), & NATIONAL PROGRAMME ON HUMAN HEALTH AND CLIMATE CHANGE (NPHHCCH) TAN A NI.
Vawin ni 19th June 2024 atang hian ni thum chhung awh tur Mizoram hmun hrang hranga Medical Officers te tan Auditorium, Aizawl West College, Dinthar Rul chuk, Ui a hri leh Climate chage chungchangah training pawimawh tak buatsaih a ni a. He hun hi Dr.Vanlalsawma Principal Director, H&FW in a hmanpui.
He training hawnna inkhawmah hian Dr. Eric Zomawia Mission Director NHM chuan Welcome speech sawiin Dr. Vanlalsawma Principal Director, Health & Family Welfare Department chuan trainning hawnna thu a sawi a, Dr. Ajit D. Shewale, Deputy Director, DZDP, NCDC, Delhi chuan he training thupui sawi zauna hun a hmang bawk.
Tin, rul chungchanga mithiam (Herpetologist) Dr. HT Lalremsanga, leh Mizoram University a professor ni bawk chuan Mizoram chhunga rul tur nei chi hrang hrang chungchangah zirtirna pe in, Dr. Vanlalrengpuia, State Nodal officer, IDSP, SBEPC, NRCP, NPHHCCH chuan lawmthu sawina hun a hmang bawk a ni.
He training-ah hian Central lama mithiamte bakah Mizoram chhunga mithiam ten thupui hrang hrang thlan chhuah hmangin zirtirna hi an pe dawn a ni.
He training kal tlang hian Health Department chuan mipuite hnenah hetiang hian thuchah a siam:
1. Furah hian nasa takin rulchuk case a tam thin a, mipuite rul chuk laka kan inven fimkhur a, rulin mi a chuk a nih chuan, damdawiin pan/panpui vat nachang hriat a pawimawh em em a ni. Rulchuk case hi zan lamah a tam thin avangin, zana len chhuahna ahte kan kalna tur chiang taka kan hmuh theih nan torch light eng tha tak nen fimkhur taka kal thin tur a ni.
2. Khawvel Boruak lum chho zel hian natna leh harsatna hrang hrang a thlen nasa hle a, sik leh sa lo inthlak danglam nasa leh dan pangai pela khaw chin lo danglam thin heng, khaw lum leh vawt lutuk, cyclone, lirnghing, tuilian, boruak bawlhlawhte bakah rannung atanga kai natna hrang hrang Malaria, Dengue, Scrub typhus leh natna dangte a thlen bakah rilru lam hriselna thlengin nghawng pawi tak a nei thei a ni. Thihna, natna, inhliam theihna te bakah rilru lam natna thlengin a thlen theih bawk avangin, fimkhur taka mithiamte thurawn ngaih pawimawh a tul takzet a ni.
3. Ui a seh (rabies) kan tih mai hi tihdamna damdawi awm lo leh a veite zinga za a za deuhthaw in an thihpui theih natna a nih avangin, kan ui vulh laite anti rabies vaccine kan pek that a pawimawh bakah, uiin mi a seh chuan anti rabies vaccine pek/lak vat hi nunna chhanhim nan a tul tak zet a, ui seh leh ransa/ramsa dang sehte ngaihthah mai lovin mitinin damdawiin pan vat a, a rang thei ang bera vaccine lak hi kan tih ngei ngei tur a ni.
