India rama sawrkar Damdawiin tha bik ah Haulawng Primary Health Centre leh Chawlhhmun Urban Primary Health Centre te thlan thar a ni.
India rama sawrkar damdawiin tha bik tehna National Quality Assurance Standard (NQAS) ah Haulawng Primary Health Centre leh Chawlhhmun Urban Primary Health Centre te chu an tling. Damdawiin tha a tling tur hian State level leh National Level atangin tehna hrang hrang paltlangin Haulawng Primary Health Centre hian 90.6% hmuin Premium ah an tling a, Chawlhhmun Urban Primary Health Centre hian 87.9% a hmu bawk. Damdawiin tha tehna-ah hian tehna hrang hrang 2000 chuang a awm a ni.
Hetiang ang dinhmun ah hian Mizoram-ah, Civil Hospital Aizawl, Aibawk Primary Health Centre, Thingsulthliah Primary Health Centre leh ITI Urban Primary Health Centre te thlan an lo ni tawh bawk a ni.

Dr.Eric Zomawia, Mission Director, National Health Mission chuan India ram-a damdawiin tha bik a thlanchhuah kan neih belh zel hi Mizoram tan mellung pawimawh tak a nih thu sawiin hetiang ang hlawhtlinna neih anih theihna tur atana thawktu zawng zawng te inpekna leh thawhho thatna te avangin lawmthu a sawi a sawi a, Hetiang ang dinhmun luah ve thei tur hian midangte pawhin tan la thar zel ila, chutih lai erawh chuan lawmman dawnna atan mai ni lova, kan hnathawhna theuhah taimak chhuah chhunzawm zel tur leh kan thawhho thatna te hi kan nunphung a bet tlat tur a tha thlah lova kan tanrual a pawimawh a ni a ti.

Source
Isaac Laldawngliana
i/c IEC, Consultant
NHM