OFFICE OF THE PRINCIPAL DIRECTOR

HEALTH & FAMILY WELFARE DEPARTMENT

............................

MASS EDUCATION AND MEDIA SECTION

(PRESS HANDOUT)

 

DATED AIZAWL

The 25th November, 2021

 

STAKEHOLDER MEETING cum REVIEW MEETING NEIH A NI

 

Vawiin November ni 25, 2021 (Ningani) chawhma dar 10:00 khan Directorate of Hospital & Medical Education Auditotium, MINECO-ah Bengngawnna ven leh enkawlna chungchanga programme pawimawh tak National Programme for Prevention and Control of Deafness chuan Stakeholder meeting cum Review Meeting an buatsaih.

 

He Meeting hi Dr. Eric Zomawia, Mission Director NHM in kaihruaiin Smt. Vanlaldiki Sailo, Commissioner for Person with Disability in Khuallian niin hun a hmanpui.

 

He meeting-ah hian Chairman Dr.Eric Zomawian kalkhawmte lawmna a sawi a. Hemi hnu hian Dr.Lalthanmawii Khalthang State Consultant, NPPCD in programme kalphung leh an hmalakna hrang hrang tarlangin hun a hmang a. Hemi hnu hian Society hrang hrangte hnen atangin Brief report ngaihthlak a nih hnuah Mrs. Sorju Moirangthem, Officer i/c NERC-NILD hnen atangin thusawi ngaihthlak a ni bawk.

 

He huna thusawitu Khuallian Smt. Vanlaldiki Sailo Commissioner for PwD chuan, "Beng hriatna chak lote tana chenpui nuam ni turin mipuiten mawhphurhna sang tak kan nei a. An nitin nun atana thil awlsam leh remchang zawk dapsak dan kawng hi kan zawnpui thiam a ngai a ni," tiin NPCD thawktute pawh an hnaa thahnemngai leh zuala thawk tur te, beng hriatna tha lo zawn chhuah kawngah pawh theihtawp chhuah zel turin a fuih a ni.

National Programme National Programme for Prevention and Control of Deafness hi Mizoramah kum 2014 atang khan kalpui tan a ni a. Tunah hian Mizoram pumpuiah - Aizawl East, Aizawl West, Champhai, Kolasib, Lawngtlai, Lunglei, Mamit, Serchhip and Siaha District ah teh tha taka kalpui mek a ni.

 

1.Bengngawnna thlen theitu Beng natna hrang hrang laka inven dan Mipuite zirtir.

2.Bengnatna a hma thei ang bera hmuh chhuaha bengngawnna thlen lo tura enkawl dam.

3.Bengngawngte an dinhmun chawisan sak – entirnan, Bengzai, Tawngzirtir, Bengdar vuah tura refer.

4.Beng enkawlna kawnga thawktu Health programme leh Department hrang hrangte thawhho.

5. Beng enkawlna kawnga thawktute an thiamna tihpun Beng enkawlna hmanrua tih changtlun.