State AEFI Surveillance Workshop neih a ni.

Vawiin Ni 31 July 2018 hian WHO, Ministry of Health & Family Welfare leh Mizoram Sawrkar bultumin State AEFI Surveillance Workshop neih a ni a.  Dr Lalrozama, IAS, Mission Director, NHM chuan Khuallian niin hun a hmanpui.

He Workshop-ah hian Adverse Event Following Immunization – Hridanna pek hnua engemaw, ngaihthatlohna lo awm palha hmalak dan turte zirho a ni.

Khawvela vaccine hman 70% hi India rama siam leh sem chhuah a ni a, a him em em rualin enge maw vangin harsatna a thleng ve thei a, a nih loh vek leh vaccine nena inkaih hnawih miah lo, mahse ngaihbel theih tura thil thleng a awm thin avangin hetiang AEFI hi report a awm phawt chuan enfiah zel an ni. AEFI Surveillance in a tum ber chu kan vaccine pekte hi a nih dan tur  taka hna an thawh nan leh a dawngtu tana harsatna siam lo thei ang berin kan pe em tih vilna a ni. Engemaw zawhna leh ngaihthatlohna a lo awm pawha Investigate thuaia vaccine dawngtu leh a petute ngaihngam taka an awm theih nana he Workshop hi neih a ni. He Workshop ah hian Khuallian Dr Lalrozama, IAS chuan Hridanna lak a pawimawhzia a sawi nawn leh a. Harsatna hrang hrang hnuaia Health Staff ten hridanna a bi kima an pe zel thin chu lawmthu a hrilh rualin, thingtlang hmun harsa lehzual, eizawnna kawngah pawh nitin feh chhuak thin te chu keimahni zawkin kan va pan zawk hram hram an ngai a ni a ti.

He Workshop ah hian Resource persons:

1) Dr Vineet Goyal,

2) Dr Subhajit Bhattacharjee,

3) WHO atangin Dr Lalhlimpuii,

4) MoHFW  atangin Dr B Lalrambuatsaiha

5) Dr Lalzawmi, State EPI Officer ten zirtirna an pe a ni.