STATE REVIEW MEETING of GFATM Supported Intensified Malaria Elimination Project - 2

Vawiin dated 29th November, 2022 hian ni hnih (2) chhung awh tur  Mid Year State Review Meeting under State Vector Borne Disease Control Programme (SVBDCP) chu DHME Conference Hall, MINECO-ah a ni. He hunah hian Dr.T Lalhmangaihzuali, Principal Director, DHME chu Chief Guest niin a hmanpui.

 He Review Meeting hi Dr Eric Zomawia, Mission Director in a kaihruai a. Dr. Hmingthanmawii, Joint Director (Mal) cum State Programme Officer, VBD chuan Mizorama Malaria dinhmun presentation pe in, Dr. Lalthlamuana, Deputy Director (Mal) chuan lawmthu sawina hun a nei bawk. Tin, Dr. LA Singh, Sr. Regional Director, Imphal chuan hun a rawn hmanpui bawk a ni.

Dr. T Lalhmangaihi, Principal Director chuan Malaria program a thawktute zawng zawng Malaria leh thosi in a thlen theih natna dangte dona kawnga an hmalakna ah lawmthu hrilhin, tun aia nasa zawka hmasawn lehzual tur leh Malaria natna vei leh Malaria avanga nunna chan an awm tawhloh na tura nasa zawka tan la leh turin a fuih. 

He hunah hian Mizoram district hrang hrang 9 atangin Vector Borne Programme hnuaia thawktu 70 vel ten Mizoram Malaria dinhmun leh hmalak tawhna te bakah hmasawnna tur te zirho na leh thlir ho na hun atan an hmang ang.

Mizoramah Jan – Oct, 2022 chhungin Malaria vei mi 9252 awm tawhin, nunna chan mi 8 an awm tawh bawk. Malaria avanga nunna chan te chu Aizawl West District, Lunglei District, Champhai District, Lawngtlai District leh Serchhip District atang te an ni. Kum hmasa 2021 Jan – Dec chhungin Malaria vei zawng zawng mi 5637 niin, nunna chan mi 10 an awm a ni