OFFICE OF THE DIRECTOR

DIRECTORATE OF HEALTH SERVICES

MINECO : AIZAWL

MASS EDUCATION & MEDIA SECTION

PRESS HANDOUT

Dated Aizawl the 24th September 2024

No. PH. 13/10-MEM/2024

Ni hnih awh tur State Review Meeting on AB PM-JAY 2024 chu Health & Family Welfare Department hnuaia Mizoram State Health Care Society, State Health Agency ni bawk huaihawtin vawiin September Ni 24, 2024 hian Dawrpui Multipurpose Hall, Aizawl ah hman tan a ni.

Ayushman Bharat Pradhan Mantri Jan Arogya Yojana (AB PM-JAY) hi September 2018 atangin Mizoram ah hman tan niin chhungkaw khawsak harsa leh dinhmun hnuaihnung zawk thlanchhuah (Socio Economic Caste Census 2011 leh RSBY 2018) bakah Ration Card eng (yellow) leh pawl (blue) nei chhungkua te tana duan a ni. He scheme hmang thei chhungkaw member tinin Ayushman Card/ Golden Card an neih a ngai a, tun thlengin Mizoram chhungah Ayushman Card/Golden Card 5,65,428 siam a ni tawh a ni. Vawiin thlengin he scheme hi mipuiten a thlawna damdawiina inenkawl nan tum 1,12,000 an hmang tawh a, heng inenkawlna senso atan hian sawrkar chuan ₹ 1,23,45,86,300/- a hmang tawh a ni.

State Review Meeting on AB PM-JAY 2024 hi Pi Lalrinpui, Health Minister chuan khuallian niin a hman pui a, Pi Sangchhin Chinzah, IAS, Secretary, Health & Family Welfare Department chu khual zahawm niin, Health Department hnuaia Officials ten an tawiawm bawk. Dr. Biakthansangi, Chief Executive Officer, Mizoram State Health Care Society chuan AB PM-JAY zinkawng sawiin, hlawhtlinna hrang hrang an neih te, harsatna hrang hrang an lo paltlang tawh te leh hmachhawp awmte a tarlang.

He meeting ah hian Health Care Scheme thar lo awm tur Mizoram Universal HealthCare Scheme (MUHCS) kalphung tur inzirtirna hun neih a ni bawk. Dr. Vanlalsawma, Pricipal Director, Health & Family Welfare Department chuan lawmthu sawiin hun a khar a ni.

He hunah hian Mizoram chhunga AB PM-JAY hman kawnga Hospital leh thawktu mimal titha te chawimawina hun hman niin, Mizoram puma AB PM-JAY hnuaia District Hospital titha ber chu Civil Hospital Lunglei niin, lawmpuina certificate leh pawisa fai cheng nuai khat (₹1,00,000) hlan an ni. CHC/SDH category ah Vairengte CHC chu titha ber niin lawmpuina certificate leh pawisa fai cheng sing sarih (₹70,000) hlan an ni. PHC category ah Kawrtethawveng PHC chu titha ber niin lawmpuina certificate leh pawisa fai cheng sing nga (₹50,000) hlan an ni bawk, heng bakah hian District tina Arogya Mitra thawk tha thlan chhuah te hnenah chawimawina certificate leh pawisa fai hlan a ni bawk.

He review meeting ah hian district tina Senior Chief Medical Officer leh Senior Medical Superintendent, Medical Superintendent ten an District chhung leh Hospital a AB PM-JAY an kalpui dan tarlanna presentation pe in, PHC, CHC leh Sub-District Hospital a Medical Officer zawng zawng bakah Arogya Mitra leh Block Accounts Manager te he meeting ah hian an tel bawk a ni.