OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL
The 2nd May, 2022
STATE TB FORUM MEETING NEIH A NI
Vawin 2nd April, 2022 (11:00AM) khan Secretariat Administration Wing, Conference Hall, MINECO - ah State TB Forum Meeting a vawi 3 nan neih a ni a. He meeting hi Pu R. Lalramnghaka State TB Forum Chairman leh Health Secretary ni bawk chuan a kaihruai.
He hunah hian nikum chhunga TB programme hmalakna hrang hrang te, TB case hmuhchhuah dan te tarlan a ni a. TB damlo ten District TB Centre, Falkawn an panna lama an senso te sawi a ni bawk. Damlote veivahna zangkhai zawka phuhruk a nih theih dan tur te, Aizawl atanga District TB Centre Falkawn bus service awm theih dan tur te rel a ni a. Aizawl khawpui chhunga District TB Centre sawn hnaih chungchang te pawh ngaihtuah ho a ni bawk.
Tin, District TB Centre tina X-Ray khawl la bûn fel loh te a rang lama tih fel anih theih dan tur te sawi niin, TB laboratory thar C&DST Lab Falkawn chu a taka hman theih anih hun tur chungchang te sawi ho a ni.
Covid hri a ziaawm chhoh zel avangin Covid test nana hman Truenat khawl te chu TB test-na tura National TB Elimination Programme hnuaiah hman anih theih nan hmalak dan tur te sawi ho a ni bawk.
Mizoramah kum 2021 chhung khan TB vei rinhlelh mi 4084 test an ni a. Mi 1749 te chu TB an vei tih hmuhchhuah a ni. MDR-TB vei mi 114 hmuhchhuah niin, TB leh HIV veikawp mi 289 hmuhchhuah an ni. TB vei 90% te tihdam niin, TB vanga thi mi 72 an awm a ni.
Kumin January thla atanga March thla thleng khan TB vei mi 465 hmuhchhuah an ni tawh a ni.
