Press Note:
 Nimin  26th September atang khan  Health & Family  Welfare hnuaia Vector Borne Disease Control Programme chuan ni hnih (2) awh tur State Review Meeting chu DHME Auditorium ah an hmang.

He hunah hian Dr Lalremmawii, Director Health Services chu chairman a niin Dr Chawngthanchhunga, Addl. Director cum State Prog Officer chuan Mizorama Malaria leh Dengue natna dinhmun  presentation pein, Dr Lalzawmi, Joint Director chuan lawmthu sawina hun a hmang bawk. 

He review meeting-ah hian thosi atanga kai theih natna Malaria leh Dengue dona kawnga District hmalakna te thlirhonate neih anih bakah hmalak dan tur sawi ho a ni a, Health Department hnuaia district 9 atangin Vector borne lama thawktu ten hu hun hi hlawkthlak takin an hmang a ni.

Vector Borne Disease Control Prog hian Mizorama Malaria leh Dengue natna ti rem turin kumtluanin hmalakna a kalpui thin a. Heng natna tibo tur hian sawrkar chuan khawtlang, kohhran leh pawl hrang hrangte thawhpuiah a sawm a ni.

He huna kalkhawmte report-in a tarlan danin kumin 2023 Jan-Aug chhung hian Mizoramah Malaria thisen exam zawng zawng 22,0611 niin, Malaria natna vei hmuhchhuah mi 7424 awmin, Malaria vanga nunna chan mi 9 an awm.

Kumin Jan 1st atang 17th Sept chhungin Dengue test zat 7720 niin, heng zingah hian Dengue natna vei hmuhchhuah zat 821 a ni a, nunna chan mi 1 a awm tawh bawk.