OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
MASS EDUCATION & MEDIA SECTION
Dated Aizawl The 2nd April, 2018
SWACHHATA FORTNIGHT BUL TAN A NI TA.
(Health Department Faina Beihpui thlakna hun)
April ni 2, 2018 hian Health & Family Welfare Department hnuaia an hman thin, Swachhata Fortnight chu Dr.Lalrozama, IAS, Mission Director, NHM in Health Directorate Conference Hall-ah a hawng.
Kumin 2018 atana he Swachhata fortnight launching programme hi Mizoram pumah hman a ni a. District level-ah:- District Hospital, Sub-District Hospital, CHC leh PHC-ah te kalpui vek a ni.
Vawiinah State level hawnna inkhawm hi Dr.Lalthantluanga,State Programme Manager, NHM chuan Chairman niin a kaihruai a. Dr.Lalthantluanga chuan kalkhawmte lawmna thu a sawi hnu-ah Dr.R.Lalchhuanawma, State Nodal Officer, Quality Assurance, National Health Mission hnen atangin brief report ngaihthlak a ni.
Hemi hnu hian Dr.Lalrozama, MD, NHM in ribon chep chatin he Swachhata fortnight hi a hawng a. Hawnna thu a sawina-ah Dr.Lalrozama, IAS, MD, NHM chuan Swachhata Fortnight hlawhtlinna atana thawktute pawimawhna leh theihtawp chhuah a tulzia te tarlangin nasa lehzuala tanla turin thawktu kalkhawmte a fuih a ni.
Dr.R.Lalchhuanawma, SNO, QA report in a tarlan danin vawiina launch zawh a nih atang hian April ni 15 thleng faina beihpui thlak chhoh a ni dawn a,
Swachhata Fortnight in a tum ber chu Health Department hnuaia office leh sawrkar damdawiin zawng zawng ten faina beihpui thlaka tan an lak hi a ni a. Office leh damdawiin te a lo fai theih nan thawktute leh a chhawrtu mipui ten mawhphurhna kan intawm tlang a ni tih hi he fortnight thupui ken pawimawh tak a ni. Kumin thupuiah hian "Accomplishment of Cleanlines" (Faina Dan Zawh Famkim) tih chu hman a ni. Swachhata Forthnight hi Mizoramah kum 2016 atang khan hman tan a ni a, february ni 1 atanga ni 15 chhung hman a ni thin a, kumin 2018 atang hian sawrkar kumthar april ni 1 atanga ni 15 thleng hman tura duan a lo ni ta a ni.
Vawiina kal khawmte hian faina thutiam chham rualin hun an hmang ho bawk a ni.
