OFFICE OF THE DIRECTOR
HEALTH SERVICES : MINECO AIZAWL
MASS EDUCATION MEDIA SECTION
Dated Aizawl
The 30th May 2024
PRESS HANDOUT
No. 18/05/2024
TB Elimination Accelerator Project hmalakna kal zelah vawiin (30th May) khan Tanhril Health & Wellness Centre ah mipuite tan Health Camp tum hnihna buatsaih leh a ni a. Cough AI leh XRay khawl hmangin medical team ten mi 60 chuang lai TB screening an tihsak.
He TB Elimination Accelerator Project hi Central TB Division leh development partners hrang hrang - WHO, USAID , Stop TB Partnership, Piramal Swasthya Management and Research Institute, Jhpiego leh Wadhwani AI te tangkawpa hmalakna a ni.
He project hian TB vei te zawn chhuahna beihpui (Active Case Finding) te, Differentiated TB Care te, TB contact tracing te leh TB Preventive Therapy hmanga TB umbona beihpui thlak kal lai mekah nasa zawka hma lak hi a tum ber a ni.
Puan tawh angin Health camp hi May 16 atang khan tan a ni a, tun dinhmunah hian Aizawl chhunga hmun 7-ah health camp hi buatsaih a ni tawh a. Cough AI leh XRay khawl te hmanga endik te zinga TB vei rinhlelh mi 171 te sample test turin laksak an ni tawh.
Tun Thawhtanni liam ta (27th May) pawh khan TB Elimination Accelerator Project hmalakna in Community Health Camp Tuikual South Jubilee Run ah mi 130 te TB Screening tihsak an lo ni tawh bawk.
(For more details contact: +91 87318 80525)
