OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
MASS EDUCATION AND MEDIA SECTION
THE 14th Feb., 2018
TB enkawlna chungchang Thlirletna Review Meeting neih a ni.
Vawiin 14th Feb, 2018 Chawhma dar 10:00AM khan Reception Hall, Aijal Club-ah TB enkawlna chungchanga Review Meeting (4th Quarter 2017) neih a ni a. He meeting hi Dr. Lalrozama IAS, Mission Director, National Health Mission hova neih niin, Dr. Vanlalfela, State TB Officer chuan a kaihhruai a. He hun hiDistrict TB Officer (DTO) te nen hman ho a ni.
. Nikum Jan – Dec 2017 chhunga Mizorama TB dinhmun tlangpui te chu:
1.TB vei nia rinhlelh exam zawng zawng - 8129
2.TB vei hmuhchhuah zat
3.MDR-TB vei nia rinhlelh exam zat - 2568
4.MDR-TB vei hmuhchhuah zat - 68
5.TB-HIV rinhlelh exam zat - 1725
6.TB-HIV vei hmuhchhuah zat - 131
TB enkawl dan chungchangah hian hmalakna thar a awm nual a. TB vei ten MDR-TB an vei leh vei loh endikna Universal Drug Susceptibility Testing chu Sep 2017 atang khan hman tan alo ni tawh a. Hei hi TB vei hmuhchhuah thar apiangah endik nghal zel tur a ni.Tin TB damdawi chawlhkar khata vawi thum ei thin chu Sorkar laipui thu chhuah angin nitin eia thlak danglam a ni a. Hei hi Oct 2017 atang khan kalpui tan a ni. Tin Sorkar laipuiin kum 2025-ah TB natna umbo anih theih nana hmalakna pakhat atan TB vei damlo zawng zawngte hnenah tanpuina thlatin Rs. 500 pekna tur a ruahman mek bawk.
Tin he hunah hian Central TB Division atanga Medical Mobile Van dawn chu Health Minister, Pu Lalthanzar’an a hawng nghal a. He Mobile Van hi Mizoram chhunga TB vei te rang tak leh awlsam taka hmuhchhuah an nih theih nana hman tur a ni. He mobile Van chhungah hian CBNAAT khawl (Khak exam-na,) Air Conditioner, Generator, UPS, Lap top, Printer, Refrigerator, Wash Basin- te a awm vek a ni.
