OFFICE OF THE PRINCIPAL DIRECTOR 

HEALTH & FAMILY WELFARE DEPARTMENT

MASS EDUCATION AND MEDIA SECTION(PRESS HANDOUT)


DATED AIZAWL The 21st  March, 2022


 

TB SENSITIZATION WORKSHOP NEIH A NI


Vawin March ni 21, 2022 khan Directorate of Hospital & Medical Education Auditorium ah National TB Elimination  Programme huaihawtin Central YMA te nen TB Sensitization Workshop neih a ni a. He programmme hi Dr. Vanlalfela State TB Officer in a kaihruai a ni.

TB lanchhuah dan leh inenkawlna kalphung te chiang zawka inzirtirna neih a ni. He workshop-ah hian TB dona kawngah TB programme leh Central YMA te thawhho theih dan tur kawng hrang te sawiho a ni bawk. 

He hunah hian Dr.Vanzarliana, Medical Officer in  Power Point Presentation hmangin TB chungchang zirtirna a nei a. National TB Elimination Programme leh Central YMA ten TB dona kawnga hmalak dan tur chungchang sawihona chu  Emmanuel Lalhunmawia, ACSM Officer in a kaihhruai bawk a ni. Hmalak zel dan tur hi Central  executive committe a thlen tura tih a ni.

Mizoramah hian Nikum chhungin TB vei rinhlelh mi 4084 (sangli sawmriat leh pali) test a ni a, heng zingah hian mi 1725 (Sangkhat zasarih sawmhnih panga) te chu TB an vei tih hmuhchhuah a ni. TB vangin mi 72 (sawmsarih pahnih) an thi bawk a ni.