OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
MASS EDUCATION AND MEDIA SECTION
DATED AIZAWL THE 30th Feb., 2018
TRAINING OF TRAINERS ON VISHWAS NEIH A NI
January ni 30 (Thawhlehni) 2018 hian Health Directorate Office Conference Hall-ah National Health Mission (NHM0 hnuaia District tin Programme Manager te pualin ni hnih awh tur Training of Trainers on VISHWAS (Village Based Initiative to Synergise Health, Water and Sanitation) neih tan a ni.
He Trainers Training hi Dr.R.Lalchhuanawma, State Nodal Officer (Community rocess) NHM in a kaihruai a. Kalkhawmte lawmna leh fuihna thu a sawi hnu in kalkhawmte hnenah zirtirna pawimawh tak tak mithiam ten an pek chhunzawm nghal a ni.
VISHWAS programme hnuaiah hian tui in tur thianghlim, zun leh ekin neih pawimawh zia te,, mimal faina leh nun dan phung hrisel ten khawtlang a nghawng dan leh a pawimawhzia khawtinah zirtirna pek tur a ni dawn a. Village Health Sanitation (VHSNC) kan tih ten thla tin he hun hi vawi khat an nei ziah tawh dawn a ni. Vawiina kal khawm Trainers te hian VHSNC member-te hi district level-ah training an pe chhawng ve leh thin dawn a ni.
SBM zirchianna chuan kumtin naupang kum 5 hnuai lam 117000 te hi kawtha lo avangin an thi ziah niin a tar lang a. Za zela 37 te chu pianto fuh lo leh sawngnawi, thang thei lo te an ni bakah naupang za zela 14 te hi sepsis avangin an thi ziah niin a tarlang bawk. hengte hi tui thianghlim in tur awmloh avangte, hriselna leh faina kawngakan la fin var tawk loh vang a nih avangin VISHWAS programme hnuaiah hian nasa lehzualin khawtlang faina kawngah hma thar lak a ni dawn a. He programme-in a tum lian tak tak zingah kum nga chhunga inthiarna mumal nei lo inthiarna felfai tak neih tir te, bawlhhlawh paih dan mumal zawk neih dan tur te leh kawng thar tam tak hmangin beihpui thlak chhoh a ni dawn a ni.
