OFFICE OF THE PRINCIPAL DIRECTOR

GOVERNMENT OF MIZORAM

HEALTH & FAMILY WELFARE DEPARTMENT

PRESS HANDOUT

Dated Aizawl the 13th March, 2019

NATIONAL RABIES CONTROL PROGRAMME (nrcp) BUATSAIH

UI A HRI LAKA INVEN DAN CHUNGCHANG ZIRHONA

STAKEHOLDER MEETING NEIH A NI.

He Stakeholder Meeting hi Dr.Pachuau Lalmalsawma, SNO, NRCP in a kaihruai a. Dr.Lalchungnunga Director, Health Services in meeting kalte lawmna thu a sawi hnu-ah Dr.Pachuau Lalmalsawma hnen atangin National Rabies Control Programme chungchang Powerpoint Presentation hmanga  thlir leh ngaihthlak a ni. 

He huna Resource Person atana ruat mithiam hrang hrangte hnen atangin Ui a seh chungchang, a lan chhuah dan leh invenna te bakah mipui leh ui vulhtute tana hriat tur pawimawhte ngaihthlak a ni a.  Hemi hnu hian ram pum huapa hmalak dan turte sawiho zui nghal a ni.

National Rabies Control Programme hi Mizoramah hian nikum 2018 atang khan kalpui tan a ni tawh a. He programme hnuaiah hian uluk lehzualin ui a hri lakah mipuite kan him theih nan nasa lehzuala hmalak a ni chho zel dawn a ni. 

Ui seh bikah hian Civil Hospital Aizawl hian kum 2018 chhung khan nitin mi 4/5 nei ziah ang an ni. Ui seh avanga miin ui a hri a kai tawh chuan tihdam leh ngaihna a awm tawh lo a. Hei vang hian kan ran vulhte vaccine lak tir ngei ngei tur a nih bakah a vulhtute hian a bikimin vaccine hi an la ngei a ni tih hriat nan certificate pawh la telin an vawng tha ngei tur a ni bawk. Ui a seh hi Mizoramah tam vak lovin lang mahse ui a dik takin a sehte hian an thihpui zel avangin ngaihthah chi a ni lo a ni.

Vawiina Stakeholder Meeting-ah hian Department kaihhnawih hrang hrang te bakah MZU, NGO, Local Council Assn. hruaitute atangin stakeholder te an kalkhawm a ni.