Ni 29.8.2018 chawhma dar 11:00 khan Union Minister of State, Health & Family Welfare, Govt. of India Pi. Anupriya Patel chuan ITI Venga Urban Primary Health Centre(UPHC) chu Healthcare Service chi hrang hrang 12 awm tharna tur, Urban Primary Health & Wellness Centre(UPH&WC) atan a hawng. He hunah hian Health Minister Pu _ leh official ten Pi. Anupriya Patel hi an tawiawm a ni.

Hemi zingkar tho khan, Union Minister of State for Health chuan Health Department Official te chu Aijal Club-ah ko khawmin NHM bakah an hmalakna dangte lo zawtfiahin inkawm hona a lo neih pui tawh bawk  a ni.

ITI Venga UPH&WC  hawngtu, Union Minister of State for Health & Family Welfare Pi. Anupriya Patel chuan  Mizoram Health Minister hmalakna hnuaiah state in  Healthcare-ah hma a sawn nasat thu a sawi a. Sawrkar laipui  chu Mizorama Healthcare huang chhunga hmalaknate  thuam chak turin a inhuam a,  tanlakna tur tlem a zawng awm mek pawh hi Mizoram in a chinfel thuai a rinawm a ni a ti.

Pi. Anupriya Patel chuan National Health Mission hnuaia hmalakna huang pahnih Primary leh Secondary Healthcare kaltlangin Reproductive  & Child Health Services(RCH) leh Communicable Diseases a hmalakna te chuan hlawhtlinna a thlen nasa a thil lawmawm tak a ni. Mahse, tunah heng hmalakna pahnih in a huam tel loh huangah harsatna a awm mek a. Cancer vei an pung a, zunthlum vei an punga, lung natna leh thisen sanga avanga harsatna tawk te bakah damlo inenkawlna senso lo pung nasa lutuk avang te hian Preventive leh curative services chauh nilo  promotive leh rehabilitative services huam tel te hi kan mamawh tawh a. Chuvangin sawrkar chuan Primary Healthcare liantham leh huapzo zawk a ngaihtuah chhuak ta a ni a ti. Chu chu Ayushman Bharat Programme a ni a - ban pahnih neiin pakhat zawk chu National Health Protection Mission a ni a - he mi hmang hian insurance kum khatah chungkaw pakhat tan, Cheng nuai 5 zel,  socio- economic census behchhanin chhungkaw vaibelchhe 10 leh nuai 74 zet  thlan chhuah tawhte tan ruahman tawh a ni. Ayushman Bharat Programme ban pakhat zawk chu ramchhunga Health SubCentre, Primary Health Centre, Urban Primary Health Centre   nuaikhat leh singnga zet te Health & wellness Centre-ah siam a ni a. Vawiin a ITI UPH&WC   pawh hi chutiang hmalakna hnuai a mi chu a ni a. Mizoramah chuan SubCentre  leh Primary Health Centre 32 nei  mekin heng subcentre 20, Urban PHC 8  leh Rural PHC 4 te pawh hi Health & Wellness Centre-ah siam a ni vek dawn a ni a ti. Heng Wellness centre te hi hnathawktu inpe zo tak tak ten an vil dawn a, an enkawl mipui zat a ngai reng a, an hnathawh leh mipui hnena an pek tur, healthcare services chu chi hnih ni tawh lovin chi 12 a ni tawh dawn a. RCH leh Communicable Diseases hnuaia hmalakna a awm chhunzawm anga.  Screening, prevention and management of control services nen cancer - cervic(Chhul lam), oral(Chawkawng lam)  leh  Breast( Hnute) cancer kaihhnawih a healthcare service te, Zunthlum, Phar natna, Thisen sang, TB, ENT, Opthalmic(Mit lam), Oral & Dental( Ka leh Ha lam), Geriatric( Tarchaklo enkawlna), Palliative leh Rilru lam( Mental Care) a Healthcare services thlengin a tahtawlna siam a ni ang a ti.

Thusawitu dang,  Health Minister  Pu _ chuan Healthcare huang chhunga Mellung pawimawh tak,  Mizoram Institute of Medical Education and Research Society(MIMERS) a lo pian theih nan Central Sawrkarin thlawpna chu Mizoram tan thil lawm tak a ni a ti. Healthcare huang chhunga hmalaknaah Mizoram sawrkar chu a phur thu sawiin tuna Health & Wellness kawnga hmalakna thar pawh hi Mizoram mipui ten kan mamawh chhoh mek leh kan tana thil tangkai tak, nunna tam tak chhanchhuahna a nih ngei ka  ring a ni a ti a. Kan lo hrisel leh zual nan, invenna leh enkawl damna bakah khawsak phung hrisel zawk te leh nitina kan hun hmandan hrisello lai siam that te hi mipui ten kan ngaih pawimawh thar leh a ngai a ni a ti.

ITI Venga Urban Primary Health Centre(UPHC) hawnna inkhawm hi  H&FW Commissioner & Secretary Pu _ Fanai in a kaihruai a, Keynote adreess Principal Director Dr.F.Lallianhlira'na pe a. Union Minister hi Pi Preeti Pant, Joint Secretary, Ministry of H&FW, Government of India chuan a rawn zui a ni.