OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
MASS EDUCATION AND MEDIA SECTION
(PRESS HANDOUT)
Dated Aizwl, the 1st Dept/2017
"Universal Drug Sentivity Testing" kalpui tan a ni dawn ta
September ni 1,2017 chawhma dar 11 khan National Health Mission
Director, Dr Lalrozama IAS chuan a office chamber-ah TB dona kawnga
hmalakna thar "Universal Drug Sensitivity Testing" chu kalpui a nih tur
thu a puang.
He hunah hian Mission Director chuan, "Universal Drug Sentivity Testing" kalpui anih chuan TB vei tawh phawt chu MDR-TB an vei nge veilo en nghal zel an ni anga, hei hian atir atanga MDR-TB vei tih hriat loh te rang takin a hmuchhuak thuai ang a, a enkawlna kawngah damlo leh a enkawltute hun khawhral lovin damdawi a hun takah pek an nih vat theih phah dawn ani." a ti.
Universal Drug Sensitivity Testing hi TB vei hmuhchhuah zawng zawngte tana hman tura duan a ni. Mission Director in a tarlan danin, India ram hi khawvelah TB leh MDR-TB TB vei tamna ber a ni a. Mizoramah hian kum 2016 chhung khan MDR-TB vei mi 47 hmuhchhuah an ni a, a tlangpuiin MDR-TB vei zinga enkawl dam zatte hi za zelah 66 (66%) a ni.
He programme-ah hian State TB Officer, Dr. Vanlalfela chuan TB Programme leh a kalphungte a sawifiah bawk a, Health Department hnuaia Programme Officer hrang hrang an tel a ni.
