GOVERNMENT OF MIZORAM
HEALTH & FAMILY WELFARE DEPARTMENT
(PRESS HANDOUT)
URBAN PRIMARY HEALTH CENTRE-AH CHANGTLUNG ZAWKIN QUALITY ASSURANCE KALPUI A NI DAWN TA.
Dated Aizawl The 9th, March 2017
National Urban Health Mission bultumin vawiin March ni 9, 2017 chawhma dar 10:00 khan Civil Hospital Auditorium, Aizawl NUHM Staff te tan Orientation Training on Quality Assurance buatsaih a ni.
He Orientation Training hi then hnihna hun hman niin Dr.Zothankhuma Chhakchhuak, State Nodal Officer, (NUHM) in a kaihruai a. Dr. Zothankhuma hian kalkhawmte lawmna thu sawiin hlawk taka training hun hmang turin kalkhawmte duhsakna a hlan a. Hemi hnu hian Dr.R.Lalchhuanawma, State Nodal Officer, Quality Assurance hnen atangin Quality Assurance awmzia leh ram pum huapa kal chhohpui a nihna chhan te leh chumi atana mamawh hrang hrangte ngaihthlak a ni.
He huna zirtirna pe tura thlan chhuah, Dr.Lucy Chawisangzeli, State Consultant (QA) chuan Quality Under the NQAP & Quality Measurement System tih thupui hmangin zirtirna a pe a. Hemi hnu hian Dr.Evelyn Lalremsangi, State Consultant (Public Health) chuan Assessment Protocol & Implementing Quality Assuranceat Facility Level tih thupui hmangin kalkhawmte zirtirna a pe bawk.
Quality Assurance kan tih hian damlo enkawlna kawng hrang hrang (Health Care System) ah huam zau tak a nei a. Record vawn felfai, Damlo enkawl leh zirtirna pek chungchang, damlo ten an dikna chanvo an hmuh theih dan tur, thawktute hawihhawmna leh inpekna, hmanraw thianghlim leh changtlung hmanga enkawlna kalpui dan, Hospital faina leh thianghlimna te bakah a bak thil tam tak a huam a ni.
Mizoram bikah hian Urban Primary Health Centre-ah Quality Assurance hi kum 2016-2017 chhunga kalpui tan tura tih a nih angin kumin chhung hian Mizoram chhunga UPHC zawng zawng tuam chhuah tumin Quality Assurance hi theihtawp chhuaha kalpui chhoh tan mek a ni.
Tun dinhmunah hian Aizawl huam chhungah UPHC 6, Lunglei-ah 2, avaiin UPHC 8 a awm mek a, Heng hmunah te Quality Assurance hi kal chhohpui a nih chuan nasa takin hriselna kawngah mipui ten hman kan sawn phah ngei beisei a ni.
