OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL
The 30th November, 2021
VAIHLO LEH A KAIHHNAWIH CHUNGCHANGAH INZIRTIRNA HUN HMANG
Vawiin December ni 30, 2021 (Thawhlehni) chhun dar 12:30 khan Directorate of Hospital & Medical Education (DHME) Auditorium, MINECO-ah Mizoram State Tobacco Control Programme leh DHME tangkawp buatsaihin DHME thawktute puala zuk leh hmuam that lohna leh a kaihhnawih zir chianna hun Sensitization / Training buatsaih a ni.
He sensitization hi Dr.H.Lianthangpui, State Nodal Officer, NTCP in Chairman niin a kaihruai a. Chairman hian kalkhawmte lawmna thu a sawi zawh hnu-ah Dr.T.Lalhmangaihi, Director, HME in hun hmanga kal khawm staff-te hmaah thuchah a sawi. Dr.Hmangaihi chuan, "Zuk leh hmuam hian natna min thlen a. Min tiretheitu leh sum tihektu mai a ni. Zahawm lo taka min lantirtu a nih avangin kan sim a tul tak meuh a ni. Tin, sawrkar office-a thawkte kan nih avangin kan thawhna hmunhmate pawh smoke free zone-ah kan siam a ngai a ni," tiin kalkhawmte vaihlo leh a kaihhnawih laka fihlim turin a chah.
Tin, He programme-ah hian Ms. Rebecca Lalruatfeli Hnamte, Psychologist, Aizawl East DTCC leh R.Lalremruata State Consultant, NTCP ten "Zuk leh hmuam chungchang" leh "Zuk leh hmuam leh sawrkar hnathawkte" tih thupuia hmangain Powerpoint presentation an pe bawk.
National Tobacco Control Programme hi India ramah kum 2007 atanga kalpui tan niin Mizoramah pawh kum 2009 atangin kalpui chhoh tan a ni a. Tunah hian Staff 41 awmin Mizoram district tinah staff pali zel dah an ni. An thil tum ber chu Meizuk that lohzia mipuite hrilh hriat, a la zu ve lote hnena khawih chhin ve lo tura zirtirna pek leh a zu mek te pawhin an nghei theihna tura tanlakpui a ni. District tinah hian vaihlo, zuk leh hmuam laka fihlim tum leh nghei duhte tanpui turin DTCC a awm vek a. heng atang hian zuk leh hmuam nghei duhte tan tanpuina leh thurawn a lak theih vek a ni.
Vawiin Sensitization report in a tarlan danin Mizoram chu vaihlo leh a kaihhnawih tih kawngah kan la sang filawr hle a. Vaihlo hman hluarna state kan la ni fo chu thil pawi leh zahthlak tak a nih thu ngaihthlak a ni.
Vawiina kalkhawmte hian Dr. Thani Pachuau, CMO, Aizawl West hovin zuk leh hmuam dona kawnga thutiam sawirualna hun an hmang a. Mr.K.Joseph, District Consultant in Vote of Thanks sawiin hun tawp a khar a ni.
