Theme : Education to protect tomorrow

NHM hnuaia NPCDCS Programme hian World Diabetes Day hi remchan dan angin function a buatsaih thin a, kumin hian Auditorium, Taxation Department, MINECO ah hun hman a ni a. Dr. P.C. Lalramliana, JD, DHME-in a kaihruai a, kumin theme ‘Education to protect tomorrow’ hi Dr. P.C. Lalramenga, MD, Civil Hospital Aizawl-in thiamtak, ngaihnawm tak tawi fel takin a sawi a, Dr. Lalruatpuii Hlawnmual, Diabetologist, Civil Hospital, Aizawl in Zunthlum chungchanga in zirtir na te, zunthlum vei mek te tana hriattur pawimawh tak tak a sawi a. Tin, zunthlumvei lo te tan a invenna lam teleh thil dang hriat tur pawimawh tak tak a sawitel bawk a, a bengvarthlak hle a ni.

Chief Guest Pi Esther Lalruatkimi, Principal Secreatry, H & FW Dept chuan nunphung hrisel lo chungchanga Mizote hmasawn kan ngaih thu a sawi a, Mizote zunthlum vei kan tam tawh zia te, pawi a tih thute sawiin tan kan lak a ngaihthu a sawi a. Tin khawvel pum huapa zunthlum vei kan tam zia te leh harsatna chi hrang hrang a thlen tam zia ngaihtuah hian in zirtir na pawh hei aia uar zawkin kalpui theih nise a ti.

Mizote zingah zunthlum vei kan pungchho zel a, kan nun phung lo inthlak dang lam zel hian zunthlum min vei nasat tir a, thil tha tak tak kan ei a, taksa kan insawizawi tha leh si lo va, zanrei tak tak kan meng a, nunphung hrisel lo hian zunthlum hrisel lo min vei nasat tir a. Tin, zunthkum vei mek te pawh inenkawl tha lo, inthlahdah kan tam avangin, harsatna lian zawk lo thleng sawitur leh hriattur a tam ta hle. Nun dan hrisel kan neih a  pawimawh, ei leh in hrisel ei tam tura inzirtir a pawimawh a, taksa sawizawi a pawimawh a, zan muthmaa zing thawhhma hi kan hriselna atan a tha tih hi kan sawi nawn reng a ngai, heng zawng zawng hian a veimekte tan damdawi an eibakah an zunthlum a ti zia awm a, a la vei lo te tan invenna tha tak a ni bawk.

He hun hi Dr. Catherine Lalmuanawmi, State Nodal Officer, NPCDCS chuan vote of thanks sawiin hun tawp a khar a ni.