OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL
The 7th April, 2022
WORLD HEALTH DAY 2022 HMAN A NI
Vawiin 7th April hi World Health Day a ni a. Hemi ni denchhen hian Directorate of Health Services, MINECO Aizawl-thawktu ten Dr.H.Lalchungnunga Director of Health Services hovin thing an phun.
Kumin World Health Day Thupuiah hian Our Planet, Our Health tih hman a ni a. Climate Change avanga khawvelin harsatnaa tawh nasat tawh dan leh he thil a zual zel lohna tur te, thing leh mau, ram ngaw leh kan lui bakah kan tuihna te a lo thianghlim theih nana inzirtirna hun atan kumin World Health Day hi hman a ni.
He huna thusawitu Dr.H.Lalchungnunga, Director chuan, "Kan chenna khawvel chhe mek zel hi chhanhim turin mi tin hian tih theih kan nei theuh a. Kan thupuiin a tum angin kan ram ngaw leh luite humhalhin duat nachang hre thar leh i la, kan chenna khawvel duata venhim nachang hretu chuan ama hriselna ngei pawh a duat a ni tih hi i hre thar ang u," a ti.
Vawiin World Health Day pual hian Health Director bakah Programme officer leh staff eng emaw zah ten thing hi an phun bawk a ni.
