OFFICE OF THE PRINCIPAL DIRECTOR
GOVERNMENT OF MIZORAM
HEALTH & FAMILY WELFARE DEPARTMENT
PRESS HANDOUT
Dated Aizawl the 4th March, 2019
KUM 2014-2019 CHHUNGIN MIZORAMAH BENG THA LO MI 9400 HMUHCHHUAH AN NI TAWH.
(WORLD HEARING DAY 2019 HMAN A NI)
Vawiin March ni 4, 2019 (Thawhtanni) hi khawvel puma beng hriatna lam inzirtirna ni World Hearing Day a nih angin he hun hi Mizoramah pawh National Programme for Prevention and Control of Deafness (NPPCD) hmalaknain district hrang hrangah hman a ni.
World Hearing Day 2019 hi Health Department hnuai-a district then hrang hrang 7, Aizawl East & West, Champhai, Mamit, Lunglei, Serchhip leh Kolasib-ah te hman a ni a. Heng district-ah te hian zingkarah Hospital Staff, ENT Department leh NPPCD thawktuten YMA, KTP, School naupangte nena thawk hovin Rally an nei a. Chhun lamah hian kumin atana Theme 'Check your Hearing' 'I beng hriatna enfiah tir rawh' tih thupuia hmangin OPD tinah Awareness Campaign neih a ni. Mithiam ten he hunah hian beng enkawl dan leh bengngawnna laka kan fihlim theih dan tur te bakah hemi kawnga thil pawimawh hrang hrangte sawiin zirtirna an pe nghal zel a. Tin, Vawiin atana khawl hmanga in entirna hrang hrangte a thlawn vekin damlo te hi tihsak an ni.
District hrang hrang atanga thudawnna in a sawi a danin vawiin World Hearing Day denchhena damlo in entir zawng zawngte hi he thu buatsaih lai hian mi 165 an ni a. Beng ri hriatna tha lo (hearing loss) mi 75 hmuh chhuah an ni.
NPPCD
programme hi National Health Mission Programme hnuaia awm niin kum 2014
atang khan Mizoramah kalpui tan a ni a. Tunah hian Lawngtlai
leh Siaha district tih lohvah chuan kalpui vek a ni tawh a. Heng hmunah
te hian OPD tinah ENT Surgeon, Medical Officer, Audiologist, Audiometric Assistant te an duty vek a ni.
NPPCD hmalakna hnuaiah hian kum 2018-2019 inkar chhungin:
In entir zat : 23,000
Beng natna hmuhchhuah zat:13000
Beng ri hriatna tha lo huh chhuah:3000
NIOH lama beng dar vuah tur refer:1000
Beng zai: 140
....an awm tawh a, he programme kalpui tan anih kum 2014 atanga tun thleng hian beng ri hriatna tha lo mi 9400 hmuh chhuah an ni tawh a ni.
