Health & Family Welfare Department, Government of Mizoram, India

OFFICE OF THE PRINCIPAL DIRECTOR

HEALTH & FAMILY WELFARE DEPARTMENT

............................

MASS EDUCATION AND MEDIA SECTION

(PRESS HANDOUT)

DATED AIZAWL

The 3rd March, 2022

WORLD HEARING DAY 3^rd MARCH, 2022 HMAN A NI

World Hearing Day hi kum tin March ni 3 ah hman thin a nih angin Kuminah pawh Mizoram pumpuiah he Ni hi hman a ni a. Aizawl District bikah chuan Directorate of Hospital & Medical Education Auditorium-ah hman a ni. He programme-ah hian Pu R. Lalramnghaka, IAS, Secretary to the Govt. of Mizoram, H&FW chu Khuallian niin, Dr. Eric Zomawia, Mission Director, National Health Mission chu Chairman a ni.

He huna thusawitu Khuallian, Pu R.Lalramnghaka IAS, Secretary H&FW chuan NPPCD chu Programme pawimawh tak ni a a hriat thu leh nasa taka hma an lo lak tawhna-ah thawktute fuihin hmalam pen zel tur leh beng ri hriatna lama harsatna neite leh nei thei mai tur dinhmuna dingte tana malsawmna ni zel tura a duh thu a sawi.

He huna thusawitu Dr. Lalthanmawii Khalthang, State Consultant, NPPCD chuan National Programme for Prevention and Control of Deafness (NPPCD) hnuaia hmalakna hrang hrangte a sawi a, “NPPCD hi kum 2014, April atang khan Mizoramah hman tan niin, tunah hian Mizoram pumah he programme hi hman a ni. NPPCD in a tum ber chu Bengngawnna thlen theitu natna leh intihpalhna lak atanga inveng tura mipui zirtirna pekte, beng natna a hma thei ang bera hmuhchhuah a, enkawl dam vat te, Beng enna khawl hrang hrang changtlung taka neih leh beng lama mithiamte training pek leh Bengngawng ten an tawh fo endawng leh hmuhsitna tihbo te hi a ni.” tiin district hrang hrangah beng lama mithiamte – ENT Doctor/Trained Medical Officer, Audiologist, Audiometric Assistant leh Hearing Instructor te dah an nih thu a sawi a.

Hei bakah hian Dr. Zonunsangi, MS (ENT), Civil Hospital in World Hearing Day, 2022 thupui “Beng Ri hriatna Dam chhung atan, Ngaithla Fimkhur rawh” tih chungchang sawi fiah a. Thupuiin a tum kan beng a hrisel that a, kum upat thlenga ri hriatna tha kan neih theih nan kan beng hi kan dim a ngai a, ri bengchheng bula rei tak awm loh te, eizawnna avanga ri bengchheng bula awm a lo ngai a nih pawh in benghnawhna (ear plug) hman that a pawimawh zia a sawi a. Hei bakah hian rimawi kan ngaihthlakin ring lutuk lovin ngaihthlak ni se a that thu te, ri bengchheng avanga bengngawnna hi ven theih a nih thu leh. tuna kan kal dan anga kan kal zel a nih chuan kum 2030 ah chuan tleirawl za-a sawmnga (50%) te hi ri bengchheng avanga bengngawng thei dinhmunah an ding a ni tiin zunthlum nei leh kum upat avangte bakah natna thenkhat avangin beng hi a ngawng thei bawk thu a sawi.