OFFICE OF THE DIRECTOR,
HEALTH SERVICES : MINECO AIZAWL
MASS EDUCATION & MEDIA SECTION
PRESS HANDOUT
DATED AIZAWL : THE 26TH SEPTEMBER 2025
PRESS HANDOUT NO: 2/10/2025
WORLD HOSPICE & PALLIATIVE CARE DAY
World Hospice & Palliative Care Day hi vawiin October ni 13, 2025 (thawhtanni) hian Mizoramah National Programme for Palliative Care (NPPC), National Health Mission (NHM) chuan a vawi 9 na atan hman a lo ni leh ta a, Directorate of Hospital & Medical Education Auditorium, MINECO ah hman a ni a. He hun hi Dr. Ruth Lalmuanpuii Jt. Director (P), Hospital and Medical Education in kaihhruaiin Pu Dr. SR. Ngurchamliana, Director, H&ME chu khuallian a ni.
Palliative Care chu WHO in a hrilhfiah dan chuan natna avanga thih hlauhawm dinhmuna ding mek te leh an chhungte’n, nuam leh hahdam zawka an hman theih nan a an natna tawrh chhawk zangkhai leh a zual zel tur ven dan kawng zawn te, an taksa natna mai piah lama taksa, rilru leh thlarau lama tawrhna awm thei te enkawl hi a ni. Damdawi hmanga enkawl mai theih tawh loh te’n na hrehawm an tawrh lohna tur leh an rilru hahna te chhawk zangkhai thei tur kawng a enkawlna a ni ber mai.
· NPPC hi Mizoram ah October 2016 atangin kan hmang tan a, District pakua (9) – Aizawl East, Aizawl West, Champhai, Kolasib, Mamit, Lawngtlai, Lunglei, Serchhip & Siaha ah hman mek a ni. State Palliative Care Cell hi Directorate of Hospital & Medical Education ah din a ni bawk. Tunah hian Khawzawl, Saitual leh Hnahthialah te pawh NPPC kal pui zel tum a ni.
· World Hospice & Palliative Care Day hi khawvwl pumah kum tin kum 2005 atang khan hman a ni a, Mizoram ah pawh NPPC hmalakna in kum 2017 atang khan hman niin, tun tum hi vawi 9 kan hmanna a ni. He hunah hian mipuite hnenah Palliative Care chungchang in zirtirna leh inhrilhhriatna neiin hun hman thin a ni.
· NPPC hnuaiah hian damlo te OPD ah en an ni a, hei bakah hian a tul dan angin Ward ah an admit bawk a. Hei bakah hian Palliative Care Team (Doctor & Nurse) ten Damdawiin lama kal thei lo te in lamah an theih ang angin damlo an va enkawlin an kan thin bawk.
· Damlo Home Visit a an kal hian Damlo te an va enkawl piah lamah damlo in damdawia inenkawlna atana a mamawh – IV fluids, venflon, dressing na hmanrua leh damdawi te, Catheter, Ryles tube, Sterile gloves leh adang te ken sak thin an ni a. Hemi piah lamah hian Food Kit an ken sak thin a, hetah hian damlo ei theih tur Sorazo, Bawnghnute, artui, thei te leh ei theilo tan Hermin, Lipofundin etc te an ken sak bawk thin.
· He Programme hmalakna hian RMI ( Registered Medical Institute License ) District Hospital 9 leh MSCI te pek niin, hemi License hmang hian Morphine kawl leh a mamawh tana pek chhuah phal a ni a. Hei hi Palliative Damlo te tan a tangkaiin a hlu hle a ni.
· He programme hnuaiah hian Palliative damlo in register te tan Morphine mum hi District Hospital tinah a thlawna sem a ni bawk.
· District hrang hranga Doctor leh Nurse te training pek thin an ni a Cancer Hospital ah pawh practical a cancer natna neite enkawl dan training te neihpui thin an ni.
· NPPC Hmalakna te FY 2025 – 2026 ( April – August)
1). OPD a damlo en zat – 5006
2). Damlo Refer zat ( MSCI/ phai lamah) – 63
3). Damlo admit zat – 1048
4). Damlo in lama en zat – 1586
5). In lama damlo lo enkawltute damlo enkawl dan zirtir zat - 333
