OFFICE OF THE DIRECTOR
HEALTH SERVICES,
MINECO : AIZAWL

MASS EDUCATION & MEDIA SECTION

PRESS HANDOUT
Dated Aizawl the 10th October 2023
No. PH. 40-MEM/2023

WORLD MENTAL HEALTH DAY HMAN A NI.
Kum 2019 atanga 2023 thlengin District Mental Health Prog pantute zingah Psychoactive Substance Use (ruihhloh kaihhnawih rilru lam buaina) a sang ber.

Press Note:

Vawiin 10th October 2023 hi khawvel puma rilru hriselna kawnga inzirtirna leh rilru lam natna kaihhnawih avanga harsatna thleng thei laka inzirtirna hun "World Mental Health Day" a ni a. He hun hi Health Department hnuaia Nationah Mental Health Programme bultumin DHME Conference Hall, MINECO ah hman a ni.
Vawiina Rilru Hriselna Ni puala hun hi Dr.Robert L.Khawlhring, SNO, National Mental Health Programme-in a kaihruai a. He hun hmanpui tura sawm Blessino Nursing School, Durtlang Synod College of Nursing leh Aizawl West College zirlaite hnena zirtirna pe tura resource person thlan chhuah ten thupui hrang hrang hmangin rilru hrisel neih a pawimawhzia leh rilru lam harsatna in nghawng pawi a neih dan hrang hrangte an tarlang a. C.Lalhruaitluangi, Tele Manas Counsellor kaihhruaina in chhan hrang hrang avanga rilru lama buaina leh harsatna nei te puitu tura buatsaih Tele Manas chungchang pawh zirho nghal a ni a. Tele Manas Toll Free No 14416 hmangin eng hunah pawh zawh harsatna te thlen theih reng a nih thu ngaihthlak a ni.
Vawiina thusawitu Pu Vanneihtluanga President ADRSI chuan khawvel hmun tinah hian danglam bikna avanga inthliarna 'stigma' kan tih avang hian harsatna a thleng reng a ni. Mahse, Universal Human Rights chuan eng mi pawh, rilru leh taksa lama harsatna nei pawh ni se la, rah beha an awm te, vantlang zinga endawng an hlawhte hi a phal lova, dikna chanvo ang khat vekin a pe a ni. Tin, rilru lama harsatna kan tihte hi a tuate chungah pawh thleng thei thil a ni tih kan hriat a pawimawh a. Hemi kawngah hian kawng su eng turin zirlai lo kalte hi ambassador in ni thei a ni" tiin a sawi.

Ani bakah hian resource person Dr. Jennifer Lalbiakdiki Principal Govt.T.Romana College, Pu Lalthakima, Addl SP Crime Branch, Pu C.Lalrambuatsaiha, President MJA, Dr.Ruth Lalmuanpuii, Joint Director H&FW, Vanlalzari, Legal Consultant, NTCP te hnen atangin thupui hrang hrang thlan chhuah beng lut tak tak hmangin zirtirna ngaihthlak a ni.

Hun kar lakah zirlai kalkhawmte hnen atanga zawhna awmte chhan leh sawiho a ni a. Hemi hnu hian National Mental Health Programme buatsaih drama script writing competition lawmman sem a ni a. Lawmman pakhatna Dist Headquarters PYD te niin lawmman pahnihna hi Dept. of Psychology, Pachhunga University College an ni a. Pathumna hi B. Lalnunmawia republic vengin a dawng thung.

NMHP data in a tarlan danin kum 2019 atanga 2023 thlengin District Mental Health Prog pantute zingah Psychoactive Substance use (ruihhloh kaihhnawih rilru lam buaina) a sang ber niin 32% vel a ni. Tin, Anxiety, Stress leh a dangten dawtin 16% vel a ni bawk. Mood disorder-depression leh bipolar disorder kan tihte hi 14% vel an ni leh bawk.

Vawiin World Mental Health Day hi Rebecca Lalnundiki Clinical Psychologist in lawmthu sawiin hun hnung a khar a ni.