OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
MASS EDUCATION & MEDIA SECTION
Dated Aizawl, The 20th March, 2018
PI LAL RILIANI, PRESIDENT, INDIAN SOCIETY ON TOBACCO & HEALTH, MIZORAM CHAPTER HOVIN WORLD ORAL HEALTH DAY 2018 HMAN A NI
National Health Mission hnuaia ka chhung hriselna lam thawktu National Oral Health Programme bultumin nimin March ni 20, 2018 khan khawvel puma ka chhung hriselna ni 'WORLD ORAL HEALTH DAY 2018" chu Health Directorate Conference Hall, Dinthar-ah neih a ni a, he hun hi Pi Lal Riliani, President, Indian Society on Tobacco & Health, Mizoram Chapter chuan Khuallian niin a hmanpui.
Nimin World Oral Health Day pual inkhawm ah hian Chairman Dr.HC Thangkima, Joint Director (Malaria) in kalkhawmte lawmna thu a sawi zawh hnuah Rev.C.Lalbiakzuala'n Hunserh a hmang a. Hemi hnu hian Dr.Vanlalhuma Sailo, State Programme Officer, National Oral Health Programme in brief Report pe in Dr.Vanlalsawma, Joint Director (FW) hnen atangin ka chhung hriselna thuchah ngaihthlak a ni bawk.
Dr. Rebecca Rosangpuii, Dental Surgeon hnen atangin Ka chhung hriselna chungchang powerpoint presentation thlir leh ngaihthlak ho a ni a, Hun karlakah Health Worker zirlaite leh Nl.Lalhmangaihzuali (Zualbawihi) ten zaiin mipui an awi a ni.
Vawiina thusawitu Pi Lal Riliani chuan NOHP bultuma World Oral Health Day hman a ni chu lawmawm a tih thu a sawi a. Mizote zingah hian ka chhung vawn fai leh tih thianghlim nachang hre lo kan tam chu thil pawi tak a ni a ti a. Ka chhung thianghlimna hian chhung lam leh pawn lamah awmzia thui tak a nei a. Han en mai pawh hian ka chhung thianghlim leh fai te chu an hmuh a nuam em em thin a. Kan damchhung daih tura Pathianin min pek kan ha te mahni insiam chawp thil, zuk leh hmuam hmanga kan ti chhe thin hi thil pawi tak a ni. Chuvangin vawiin World Oral Health Day a lo thlen hian nasa lehzualin zuk leh hmuam leh ka chhung hriselna ti chhe thei laka fihlim turin tan i la thar ang u tiin kalkhawmte a fuih a ni.
Dr.Vanlalhuma Sailo, SPO NOHP Report-in a tarlan danin National Oral Health Programme hi kum 2015 atang khan Mizoramah neih tan a ni a. Tunah hian Mizoram District 3 Aizawl East (Darlawn PHC) Kolasib (Lungdai PHC) Lawngtlai (Chawngte CHC) ah te kalpui mek a ni a. Heng hmun te hi Dental Surgeon, Dental Nurse leh Hygenist ten an thutchilh mek a. Anni hnen atang hian ka chhung hriselna leh thianghlimna te englai pawhin zawh leh rawn theih reng an ni. Tin, tunah hian dist. tin cover turin tan lak mek a ni bawk.
Vawiina WOHD hun tawp hi Dr.Zorammawia, HoD, Dental Department, CHA in lawmthu sawiin a khar a ni.
