WORLD ORAL HEALTH DAY HMAN A NI


Dated Aizawl, the 20th March, 2026: Vawiin khan National Oral Health Programme (NOHP) buatsaihin DHME Auditorium, MINECO-ah World Oral Health Day lawmna hun hman a ni a. Kumin hian thupui atan ‘A happy mouth is A happy life’ tih hman a ni.

Vawiin hunah hi Dr. R. Lalchhuanawma Mission Director, National Health Mission (NHM)-in kaihruaiin, kalkhawmte lawmna thu a sawi a. Dr. F. Lalfamkima, State Nodal Officer (NOHP)-in thu tawi sawiin, Dr. Lalruatfeli, MDS-in powerpoint presentation hmangin Oral Health chungchang a zirtir a. Health Worker Training School zirlaite leh Tv. J. Lalrosanga ten kalkhawmte zaia awiin, Dr. Zoramthangi Renthlei, Additional Director (Dental), H&ME-in lawmthu sawiin hun a khar a ni.