OFFICE OF THE DIRECTOR HEALTH SERVICES : MINECO AIZAWL
MASS EDUCATION MEDIA SECTION
Dated Aizawl The 20th March 2024
PRESS HANDOUT
No. 10/03/2023
WORLD ORAL HEALTH DAY HMAN A NI
Vawiin 20th March 2024 chawhnu dar 1:00 khan National Oral Health Programme bultumin DHME Conference Hall, MINECO-ah khawvel puma ka chhung faina leh hriselna kawnga inzirtirna ni "World Oral Health Day 2023' chu hman a ni a. Dr.Vanlalsawma Principal Director H&FW in Khuallian niin hun a hmanpui.
Vawiina World Oral Health day hmanna inkhawm hi Dr. SR Ngurchamliana, Additional Director, DHME in a kaihruai a. Dr.Ngurchamliana hian kalkhawm mipuite hnenah lawmna thu a sawi zawh hnu-ah Dr. Zothantluangi HOD (Dental) Civil Hospital Aizawl chuan kumin thupui 'A Happy Mouth Is A Happy Body" tih thupui hmangin presentation a pe. Dr Zothantluangi chuan ka chhung hriselna hian nasa takin kan taksa chhung lam landanah awmzia a nei hle a. Tunah hian khawvel pumah hian mipui vaibelchhe 3.5 ten ka chhung lamah harsatna an tawk mek a ni. Kan ramah pawh zuk leh hmuam tih nasat avang te, ei leh in uluk tawk loh avangte in nasa takin ka chhung natna hrang hrang kan vei nasa hle a. Ram pum huap pawhin hemi kawngah hian hmasawnna tur tam tak kan nei a ni" a ti.
He huna thusawitu Khuallian Dr. Vanlalsawma chuan thangtharte zingah ka chhung faina ngai pawimawh, zuk leh hmuama fihlim kan tam tial tial chu thil lawmawm tak a nih thu a sawi a. Kan zaithiamte pawh hemi kawngah hian mipuite entawn tlak, ambassador ni zel tura a duh thu a sawi bakah National Oral Health Programme thawktute hmalakn fakawm a tih thu te tarlangin hmachhawp hrang hrang an neih ti hlawhtling zel tura tan la deuh deuh turin a fuih bawk.
Dr. Malsawmdawngzuali NOHP State Consultant report-in a tarlan danin Oral Health Programme hi Mizoram district 11 ah kalpui mek a ni a. Kum April 2023 leh February 2024 inkar chhung hian Mizorama oral health Programme hnuaiah ka chhung natna chi hrang hrang enkawl zat hi mi 17066 lai an ni tawh a ni.
He hunah hian Health & Family Welfare Department Officials, NHM hnuaia Oral Health Programme hnuaia thawktu hrang hrangte bakah RIPANS leh Health Workers Training School zirlai ten hun an hmangho a ni.
