OFFICE OF THE PRINCIPAL DIRECTOR
HEALTH & FAMILY WELFARE DEPARTMENT
............................
MASS EDUCATION AND MEDIA SECTION
(PRESS HANDOUT)
DATED AIZAWL
The 1st March, 2022
ZENG HRI DANNA BEIHPUI THLAK A NI
Vawiin 1st March 2022 hi National Immunization Day (IPPI) a ni a. India ram puma naupang kum 5 hnuai lam zawng zawngte hnenah Oral Polio Vaccine (zenghri danna) hi pek vek tur a ni. Dr. B. Lalthantluanga, Asst. State Immunization Officer, DHS chuan he hun hi kaihruaiin Dr. Eric Zomawia, Mission Director, National Health Mission chu Chief Guest a ni.
Dr. Lalmuanawma Jongte, State Immunization Officer chuan khawvela Polio (zenghri) dinhmun a sawi a. Hridanna (vaccine) lak that pawimawhzia te, kum 15 hnuai lam zeng thut an awm chuan Health Department thawktute - Health Worker-te leh Doctor-te hriattir vat a tul thu leh tun tum IPPI-ah hian naupang kum 5 hnuai lam nuaih 1 vel pek tur an awm tih a sawi bawk.
He mi hnu hian Chief Guest Dr. Eric Zomawia, Mission Director NHM chuan kalkhawm te chibai bukin he hun pawimawhzia, hridanna lak that pawimawhzia te, vaccine nei lo natna hrang hrangte a tam zia leh a awm chhunte chuan tha taka lak a pawimawhzia a sawi a, hmun hrang hrangah vaccine la duh lo te an la awm hi a buaithlakin, anmahni thatna tur a nih avangin Health Department chuan hma a lak zel tur thu a sawi. Mipuite zingah pawh vaccine kan hriat dan hi ala chiang tawk lo va, Nu ten kan fate vaccine lak hun hi hriat a pawimawh tih a sawi bawk. Tin, Covid-19 hrileng mekah a invenna pawimawh tak mai Vaccine hi a la theite chuan la vek a, Covid Appropriate Behaviour (CAB) tha taka zawm a, a tulna apianga Health Department-te puibawm zel turin a sawm bawk.
Dr. Laldinpuii Ralte, District Immunization Officer Aizawl West District chuan vote of thanks sawiin hun tawp a khar a ni.
