GOVERNMENT OF MIZORAM
HEALTH & FAMILY WELFARE DEPARTMENT
ZUN THLUM DONA NI HLAWHTLING TAKA HMAN A NI
November ni 14 hi khawvel pumah Zunthlum Dona Ni a ni a. Hemi pual hian Mizoramah pawh a vawi thumna atan World Diabetes Day hi hman a ni.
World Diabetes Day pual inkhawm hi chawhma dar 10:30 khan I&PR Auditorium Aizawl-ah neih a ni a. Dr. K.Lalbiakzuala, Director, HME cum Mission Director, NHM in Khuallian niin a hmanpui a ni.
Hun kaihruaitu, Dr. C.Lalliankimi, Medical Officer, NCD Clinic, Civil Hospital Aizawl chuan kalkhawmte lawmna thusawiin hun bul a tan a. Rev. V. _, BCM, Chanmari bialtu pastor in hunserh a hmang a. Hemi hnu hian Dr. Eric Zomawia, State Nodal Officer, NCD hnen atangin NCD natna kan tih hrang hrangte leh a inven dan te chipchiar taka ngaihthlak a ni.
Thusawitu Khuallian Dr. K.Lalbiakzuala chuan NCD natna kan tih, heng cancer, zunthlum, BP sang leh, lung natna kan tih te hi keimah ni ina kan insiam chawp a ni fo va. Hetiang laka fihlim tur hian kan nun dan leh khawsak phung kan thlak danglam a hun tawh tak zet a ni a ti.
Tin, Dr. Lalruatdiki Chawngthu, Epidemiologist (NPCDCS) hnen atangin National Programme for Prevention and Control of Cancer, Diabetes, Cardiovascular diseases and Stroke (NPCDCS) chungchang powerpoint presentation hmanga ngaihthlak a ni a, Dr. Lalthanmawii Khaltrhang, Consultant,NPPCD hnen atangin bengngawnna thlen theih dan leh a invenna bakah a enkawlna chungchang te ngaihthlak ho a ni bawk.
Tin, he hun hmanpui tura mi sawm te atangin Pu T.Saikunga, President, Mizoram Diabetic Society chuan thusawina hun tha tak a nei bawk a ni.
World Diabetes Day puala hun hmanah hian Mizoram Diabetic Society leh Mizoram Baptist Church atangin sawmbik mi engemaw zat ten hun an hmang a. Kolasib District-ah pawh WDD pual hian hun hman a ni bawk. Hun tawp hi Dr. Babie Zirnunsangi, District Epidemiologist, Aizawl District in lawmthu sawiin hun tawp a khar a ni.
