Vawiin 19.7.2018 hian National Health Mission buatsaihin Conference Hall, Directorate Of Health Services-ah “Master Training on Swachh Bharat Abhiyan cum External Assessors Training- for TOT of Kayakalp tools” neih a ni a. He hun hi Dr. Lalthantluanga, State Programme Manager, National Health Mission-in a hmanpui.
He training hi Dr.Lalchhuanawma, State Nodal Officer, Quality Assurance, NHM in a kaihruai a. Dr.
R.Lalchhuanawma, SNO QA chuan sawihawnna neiin Mizoram Doctor te leh
damdawiin hnathawktu hrang hrangte inpekna chu ropui a tih thu a sawi a,
India ram pumah pawh he scheme-ah hian Mizoram chu a ti tha berte zinga
mi kan nih thu a sawi.
He training hawnnaa thusawitu
Dr. Lalthantluanga, State Programme Manager, NHM chuan Kayakalp
chu kum 2015 atanga tan a nih dan leh Kayakalp inelna avanga faina leh
hriselna kawnga kan sawrkar damdawiin ten nasa taka hmasawnna an neih
dante a sawi bawk a ni.
He scheme hnuaiah hian Mizoram chhunga sawrkar damdawiin zawng zawngte faina kawngah inelin a fai ber hnenah lawmman pawisa faipek thin an ni. He lawmman dawng turte hi an hmalakna a tha tawk em tih Kayakalp Checklist siam tehfung chi hrang hrang 300 chuang hmangin endik an ni a. 70% score tlingte chuan lawmman hi an dawng thin a ni. He in elnaah hian Category 3 a awm dawn a. District Hospital 9, Sub District Hospital leh Community Health Centre 11 leh Primary Health Centre 57 te faina kawngah an in tihsiak anga, State Quality Assurance atangin State Consultant ten ngunthluk takin an hmalak dan hrang hrangte an vil reng dawn a ni.
He Training-ah hian District hrang hrang atangin CMO/SMO, Medical Superintendent leh Nursing lam hotute an kim hle a. Anni ho hi Dr.Laldinpuii leh Dr.Laltlanliani, Consultants, QA ten Swachh Bharat Abhiyaan leh Kayakalp Tools topic hrang hrang hmangin training an pe a ni.
